Häagen-Dazs

营业中

休息中

周六4点几5点去食甜品，去咗Häagen-Dazs食雪糕，等咗两张枱，大概20分钟左右，入面满座。甜品餐牌唔觉有变，餐牌有几款甜品，雪糕杯，套餐，饮品。瑰丽盒子 $149 另加一最钟意呢度既瑰丽盒子，价钱比之前加左9大元。首先呢个瑰丽盒子卖相超靓，啲水果色彩缤纷，有黄桃片，奇异果片，士多啤梨，蓝莓，覆盘子，虽然有啲仲好似未融哂雪，唔系新鲜货色。丹麦吐司比张相大好多，个吐司又香又脆，好似牛角包够酥脆但系又有丹麦包甜甜哋嘅味道。送溶紧嘅雪糕一齐食好好味！除左个盒，另外仲有几条丹麦吐司条更方便食用。打开个盒入面仲有丹麦吐司条，不过无左之前有既蓝莓同覆盘子。今次有新口味雪糕，一于叫两款试试。三球雪糕我哋拣左西瓜士多啤梨，蜂蜜黄桃玫瑰雪糕同夏威夷果仁。夏威夷果仁系我哋至爱。西瓜士多啤梨都几好味，士多啤梨味中带d西瓜味，好特别。蜂蜜黄桃玫瑰雪糕较甜，蜜糖味重，中间带d黄桃酱，更加甜。今次雪糕份量唔多够送面包食。