Häagen-Dazs (已結業)

Haagen dazs 雪糕火锅 地址: 旺角朗豪坊 Food Court 果层 Haagen dazs价钱: $198 2人用/ $268 4人用早几日食左个2人用的，有15个雪糕球，5款味(呍呢嗱，比利时朱古力，士多啤梨，曲奇呍呢嗱，芒果热情果)，个雪糕球好似乒乓球咁大，朱古力味果粒超似牛丸。用朱古力汤底超好味，同平时食果D朱古力完全唔同质感，用D雪糕一浸入去，等几秒，就会有一层朱古力脆皮包住粒雪糕，入口即溶。全部雪糕都好好味，不过要4人用果个先有抹茶味(最想试呢个)，除左雪糕仲有其它野食，例如蜜果曲奇，牛油曲奇，棉花糖，蜂蜜蛋糕，同其它生果，系个士多啤梨同奇异果比较酸，可能因为食左太多甜野。最惊喜系个蛋糕仔，睇落平平无奇，但系食落就好松软，配上朱古力，简直一流!!!食晒所有野，个朱古力酱都未用晒，如果你有兴趣去食，可以自备蛋糕仔、饼干同小食，因为个朱古力酱真系好好味，唔好浪费嘛。