大榮華圍村菜 (已結業)

Lunch时间要有位食饭最保险梗系去饮茶，湾仔区新开返既酒楼大荣华就刚刚有位，味讲住、食左先讲！靓位靓位，小开放厨师旁边可以见到「不」野食既过程。有几样野要同大家分享下。第一系个奶挞，入面个馅都几香滑，又唔算太甜。但最唔好既地方就系挞皮非常淋，一攞上手几乎就散晒啦。而且唔系某一个挞系咁，而系一碟3个都系咁。之后就系个胜瓜，呢个出奇地好食！虽然无用咩特别调味，但胜瓜本身个味好甜好清新、亦无渣滓，好耐无食过咁好味既胜瓜！个紫薯煎堆听落好似好新颖，所以叫黎食下。但最后都有点失望，因为个煎堆size偏大，入面既馅亦都太甜太腻，食半个已经饱饱啦。虽然已经叫到成枱都系，但总想有少少甜品作结，我地想叫煎糕、因为卖相好吸引。最后系无叫到，全因为叫糕唔可以再好似以前既菜楼咁、一碟可以要几款唔同既糕。其实将所有糕mark晒同一个价钱咪几好，卖相又吸引，又可以去货去快点、客人食到更多元化既食品自然开心啦。