影片
更多
2019-11-05
93 浏览
今晚Halloween夜虽然兰桂坊又唔去得，但都不减觅食既兴致，一早book定omakase食好野。之前食 omakase 系食lunch贪佢平啲，但因为福川比起其他日本餐厅既晚餐 omakase 平好多$1288，睇食评野食又唔错就一于试下啦。感受到上菜顺序谂过度过，前菜，刺身，热食，寿司，再热食，再寿司，最后甜品。呢个顺序简直满足晒每种味觉同触觉，又岩晒唔食得冻野既中女。前菜有3款，全部细细份俾客人开左个胃先，由右至左，豆腐、渍墨鱼、渍吞拿鱼味道由轻至重食落去。刺身： 吞拿鱼他他混入葱花，配上柚子他他酱涂上脆脆多士上够晒fusion。池鱼他他简单地用姜葱柠檬汁调味，突出鱼味。𫚕鱼系超级油甘鱼，超肥美。第一款热食系五花肉豚角煮，猪肉隔肥隔瘦已经超正架啦，仲要煮到入晒味又软绵绵，净系食呢款都可以送食饭白饭🤤之后就食三款寿司：金目鲷、池鱼王、小矶鱼，新鲜所以每款鱼味都各有特色，食得出，个人最中意金目鲷比较甜口。第二款热食：烧春鱼配松子仁蛋黄酱 ，烧得过火左啲，干身，但蛋黄酱加番啲湿润同层次。第二轮寿司： 秋季先有既秋刀鱼，刀工超好起晒片唔腥，劲鲜甜，建议用手食，你会感受到鱼肉质感软绵绵，
感受到上菜顺序谂过度过，前菜，刺身，热食，寿司，再热食，再寿司，最后甜品。呢个顺序简直满足晒每种味觉同触觉，又岩晒唔食得冻野既中女。
前菜有3款，全部细细份俾客人开左个胃先，由右至左，豆腐、渍墨鱼、渍吞拿鱼味道由轻至重食落去。
刺身：
吞拿鱼他他混入葱花，配上柚子他他酱涂上脆脆多士上够晒fusion。
池鱼他他简单地用姜葱柠檬汁调味，突出鱼味。
𫚕鱼系超级油甘鱼，超肥美。
第一款热食系五花肉豚角煮，猪肉隔肥隔瘦已经超正架啦，仲要煮到入晒味又软绵绵，净系食呢款都可以送食饭白饭🤤
之后就食三款寿司：金目鲷、池鱼王、小矶鱼，新鲜所以每款鱼味都各有特色，食得出，个人最中意金目鲷比较甜口。
第二款热食：烧春鱼配松子仁蛋黄酱 ，烧得过火左啲，干身，但蛋黄酱加番啲湿润同层次。
第二轮寿司：
秋季先有既秋刀鱼，刀工超好起晒片唔腥，劲鲜甜，建议用手食，你会感受到鱼肉质感软绵绵，好得意。
墨鱼用左黑海盐、青柠皮调味，切成粒状，比起普通一片片做法，甜味更突出。
赤贝新鲜，爽口。
酱油拖罗特别有惊喜，拖罗表面轻轻煮熟令到质地更容易吸收秘制酱油，入先尝到酱油香，其次系被黄芥辣强调出既吞拿鱼油脂，三种味有互相加强既效果。
第三款热食： 大蚬味噌汤，鲜味浓郁。
最后海胆饭，甜甜甜! 太正啦。
最最最后就系日本蜜瓜同香印，即使已经好饱都一定要食埋甜品先有满满仪式感，香印充满花香，食完两粒差啲开左两朵花系头顶!
下一个节日又系我揾藉口食好野既时候
张贴
