ねずみの王冠 喫茶店

营业中

休息中

Weekend比较少去观塘食Lunch，呢日有啲野要做，索性早少少出黎睇下有咩食~今次第二次黎【Hamsta Crown Coffee】食野，环境及食物偏日式，几适合坐得慢慢倾下计食下野。《明太子酱烧松叶蟹肉寿司配冷三文鱼籽荞麦面 $98》蟹柳小卷上面铺满明太子酱，再放上松叶蟹肉，卖相精美，明太子酱则有点不够辛辣，咸香味重啲，松叶蟹肉算是鲜甜。另外配搭荞麦面，三文鱼籽份量偏少，令人感觉可有可无，Soba汁就有啲茶味，同样偏水偏淡口。《三文鱼籽忌廉海鲜墨鱼面 $88》呢款比荞麦面套餐好食，虾肉爽口弹牙，仲有三文鱼籽、青口、带子仔、蚬肉等海鲜，酱汁Creamy，墨鱼面有墨汁香味，可以 一试。