阿嫲現烤手工蛋糕 (已搬遷) 新店位置

香港嘅古早味蛋糕店🥚曾经开到每区都都总有几间，不过又有几多间真系挨得住呢？有啲舖头少左生意时唯有减价促销，有啲舖头就用靓材料+成功靠创新口味杀出一条血路🩸🛣今次我地介绍嘅系喺太子嘅阿嫲现烤手工蛋糕，当然系后者！佢地唔单止用日本蛋，无添加人造免素，仲不时推出特色招牌食物，例如花生酥、琥珀合桃😍我地都encore左唔同口味嘅古早味蛋糕起码10次🤣🌟士多啤梨古早味蛋糕🍓由于之前已经试过晒正常嘅原味、双层芝士、合桃等口味，今次就突破下先！蛋糕依旧松软不太油，有好🌈色彩缤纷嘅粉红色，蛋糕隔层就吱咗比利时士多啤梨吉士酱。本来都好担心好重药水味💊幸好味道十分天然，仲食到一粒粒士多啤梨籽，有惊喜👍🏻🌟椰香班兰古早味蛋糕💚出面有啲舖头嘅班兰蛋糕系用班兰香精，味道又假，颜色仲要系莹光绿色🤢 呢个班兰蛋糕系用新鲜班兰叶打汁，取其精华混入蛋糕浆，所以可以得出好天然嘅绿色同班兰味👍🏻🌟芋头麻糬酥🍠酥皮外层不太油腻，油皮同水皮搓得非常薄身，纹路平均。入口非常松酥👍🏻芋头嘅口感绵密，味道唔算太突出，幸好系少甜食物，唔会觉得太漏☺️ 麻糬系用台式鲜奶麻糬，口感软糯烟韧。呢个芋头麻糬酥仲高质过台湾某啲以芋头酥招徕嘅品牌😝