Rain Restaurant & Bar (已結業)

多谢老公同我庆祝结婚一周年，带我食左一餐咁完美嘅晚饭，要认真写呢篇食评~ 我问佢点揾到呢一间餐厅~佢话同事介绍㖞，开头佢带我入去，个门口有d怪怪地，要推开一道防火门再入...心都有d惊会系一吨失望嘅晚餐?点知推开门入去，环境好好，而且人唔多，都几浪漫咁，算佢啦~ 餐厅喺兰桂芳无咩名气，不过食物水准讲真好过唔少人气食店。老公话个呢黑松露蘑菇汤一定要饮，真系好香truffle味!我特登留番个蒜蓉包饮汤时先食，侍应哥哥加水时，竟然问我洗唔洗帮我换过d热既蒜蓉包!!...完全无谂过会有咁贴心嘅服务!! 加晒分~!!main course 老公点左西冷同埋鱼，两款都好好味，西冷肉质鲜嫩，不过都唔够鱼扒惊喜，入口好似会慢慢融开咁，唔知点解可以煎得咁好味...伴碟的薯蓉同埋菜粒又吸到d鱼汁...搞到我忍唔住清碟咁济...食食下老公玩surprise~原来佢预早同餐厅订左我最最最最钟意食嘅芝士焗龙虾呢~~~lum晒啦..好浓郁嘅cheese呀~龙虾好新鲜弹牙食得好开心 虽然好饱，但系食甜品有另一个胃嘅 呵呵餐厅知我地庆祝特别整左个甜品拼盘比我地有tiramisu、士多啤梨乳酪窝夫 同埋朱古力旦糕呼~