影片
更多
2010-06-30
41 浏览
23-6-2010朋友钟意食意大利菜, 今年为佢庆祝生日就订呢度 lunch 试试吧, 还掂自己都想试. 叫了一份 starter + pasta 的 2-course set lunch 及一份 starter + pasta + main course 的 3-course set lunch, 两份 lunch 仲跟 coffee / tea 及 dessert, 食得好满意:-Table bread 有洋葱 focaccia 及蕃茄包: 较欣赏前者的烟韧质地及香浓 onion 味, 后者就略嫌唔够「茄」又唔够松软; on the side 奉上的有陈醋及 housemade pesto sauce, 后者质地浓稠, 蘸包食香浓又出奇地唔油腻, 绝对值得试试. Starter 拣了 snapper carpaccio: Beef / scallop carpaccio 就食得多, snapper 都系第一次食... 薄切鱼肉卖相晶莹剔透, 食落爽身嫩滑, 配上橄榄油, tomato salsa, 洋葱 etc, 酸酸甜甜又带少少辛辣, 感觉清新, 几好食.朋友食 buffal
朋友钟意食意大利菜, 今年为佢庆祝生日就订呢度 lunch 试试吧, 还掂自己都想试.
叫了一份 starter + pasta 的 2-course set lunch 及一份 starter + pasta + main course 的 3-course set lunch, 两份 lunch 仲跟 coffee / tea 及 dessert, 食得好满意:-
Table bread 有洋葱 focaccia 及蕃茄包: 较欣赏前者的烟韧质地及香浓 onion 味, 后者就略嫌唔够「茄」又唔够松软; on the side 奉上的有陈醋及 housemade pesto sauce, 后者质地浓稠, 蘸包食香浓又出奇地唔油腻, 绝对值得试试.
Starter 拣了 snapper carpaccio: Beef / scallop carpaccio 就食得多, snapper 都系第一次食... 薄切鱼肉卖相晶莹剔透, 食落爽身嫩滑, 配上橄榄油, tomato salsa, 洋葱 etc, 酸酸甜甜又带少少辛辣, 感觉清新, 几好食.
朋友食 buffalo mozzarella 配 tomato,「层层叠」卖相几靓 蕃茄够清甜多汁, mozzarella 就软滑清香, 无可能唔好食吧? 可惜无试到底部的绿色 sauce (又系 pesto?), 唔知好唔好食?
Spaghetti carbonara 系朋友的第 2 个 course, 见卖相又黏又饱腻, 最后还是 2 人 share 好了. Spaghetti 当然够晒 al dente, 酱汁就「黄」到「橙」, 质地浓稠, 食落蛋黄味香, 又带点芝士味, 感觉却浓而不腻 面头的 bacon 松脆咸香, 味道口感都丰富不少, 好食. 食惯 cream 味劲重的 carbonara, 呢度的完全唔同却更啱口味, 不过相信又唔系个个都啱食吧.
自己的 pasta 就好似叫 tagliolini with crab, chilli, garlic & basil: tagliolini 明显比常见的 tagliatelle 幼及薄身得多, 骤眼卖相我觉得有点似中式的伊面, 哈哈 食落比预期爽滑得多, 带淡淡蛋香, 正 配角 crab meat 就较失色, 食落无乜味道, 不过又 garlic 又橄榄油又香草, 味道亦全「挂」到 tagliolini 上, 系几惹味的.
朋友的第 3 个 course 就系 catch of the day, 即 (slow-cooked?) John Dory: 试了少少觉得鱼肉够嫩, 不过唔知用了 d 咩 herbs 去处理, 食落带点 "mint" 味? 唔算好喜欢.
餐后要了咖啡, 够香不过浓度一般, 斋饮或落奶落糖饮都唔太喜欢.
Dessert 就大家都要了 tiramisu with white coffee ice cream: tiramisu 的「蛋糕」层几「酒」又几「咖啡」, 不过 mascarpone 芝士唔够轻柔软滑, 感觉一般; white coffee 雪糕打得幼滑, 咖啡味浓郁又唔太甜, 呢个反而更吸引.
食物大致满意, 环境及 service 就当然好得无嘢讲啦, 不过呢度贵为车軚人心水餐厅, 配套好都唔出奇吧.
用了 Openrice coupon 折后每人约 $240 埋单, 唔算好贵, 朋友亦似乎几满意, 值得试试的.
张贴
