影片
更多
2016-09-29
647 浏览
生日啦，生日啦~ ~ 老公带我去左间好靓既比利时餐厅食饭庆祝~ >3< FRITES Belgium on Tap 一入到去就觉得好GRAND AR, 古典的设计配上柔和的灯光，好有格调~ 另一边厢, 原来系个高高的BAR 头，原来呢度下午3-7时段可以半价享用生啤、精选葡萄酒及烈酒架~收工后可以黎HAPPY HOUR 一番~ 如果钟意吹住天然风把酒谈心，仲有OUTSIDE位添~ 比利时人钟意饮酒，尤其啤酒，呢度个DRINK LIST 成本书咁厚~@@ 讲得出同讲唔出既酒都系度揾到~ 正宗的鬼佬餐厅，望下D 酱汁就知~净系个绿色李派林汁已经好少见 个HP 酱更系传统，正宗的餐厅先会见到~ 是夜咁高兴，点左杯白酒~ SCARED HILL SAU. BLANC 估唔到连酒杯都印埋餐厅LOGO， 值得一赞，呢度既酒杯，刀叉都抹得好干干，要加分呀~ 酒我唔太识，不过呢只酒都易入口，少少甜 先黎一个STARTERS PRAWN COCKTAIL ~ HKD 185 虎虾是有够大只的，而且有4只咁多，不过无甚么味道，加上中间的沙律就解决到 沙律是切碎的生菜，鱼子, 混合由
FRITES Belgium on Tap
一入到去就觉得好GRAND AR, 古典的设计配上柔和的灯光，好有格调~
另一边厢, 原来系个高高的BAR 头，原来呢度下午3-7时段可以半价享用生啤、精选葡萄酒及烈酒架~收工后可以黎HAPPY HOUR 一番~
如果钟意吹住天然风把酒谈心，仲有OUTSIDE位添~
比利时人钟意饮酒，尤其啤酒，呢度个DRINK LIST 成本书咁厚~@@讲得出同讲唔出既酒都系度揾到~
正宗的鬼佬餐厅，望下D 酱汁就知~净系个绿色李派林汁已经好少见个HP 酱更系传统，正宗的餐厅先会见到~
是夜咁高兴，点左杯白酒~SCARED HILL SAU. BLANC
估唔到连酒杯都印埋餐厅LOGO，值得一赞，呢度既酒杯，刀叉都抹得好干干，要加分呀~
酒我唔太识，不过呢只酒都易入口，少少甜
先黎一个STARTERS PRAWN COCKTAIL ~
HKD 185
虎虾是有够大只的，而且有4只咁多，不过无甚么味道，加上中间的沙律就解决到沙律是切碎的生菜，鱼子, 混合由蕃茄, 蛋黄酱，喼汁，柠檬汁同黑椒混合而成 的
MARIE ROSE SAUCE , 味道少甜带酸, 很清新~
比利时人最钟意食咩？
答案是.....................青口~
平时我地食黎食去都系白清煮青口，实在有够闷的~
呢度既青口就有好多选择啦~
样样都想试，最后拣左个 LAKSA~ 因为见佢有CURRY SAUCE~HAHA
要左1/2 KGS, HKD 235, 都有差唔多二十只㖞~跟青口仲有个面包同薯条添~
青口同我地平时食既有少少分别, 体形较细小，不过亦较爽口~原来青口都有分橙色是雌性，奶白色是雄性
呢个LAKSA SAUCE 有椰汁，LEMONGRASS, LIME 再加入CURRY~好有泰国风味呀~CURRY 香得又唔系好辣个只，仲可以带出青口的海鲜味~
略嫌面包得2块太少了，如果多少少，可以索埋D CURRY 汁就仲正~
是夜带住阿囡，唔敢饮酒~叫左杯 PINA COLADA~
又系椰子呀~(其实我好钟意椰子的~HAHA )
MOCKTAIL 椰子味未算太浓，甜度亦适中，是偏清淡的饮品~同阿囡出街食饭，首要任务当然要喂饱佢
前面个D都有辣味佢唔食得，终于等到个佢可以食架啦~
FLEMISH BEEF STEW
HKD 295
MENU 写SHORT RIB, 以为有骨既~但完全系完全去骨，而且炆到劲淋~
就连红萝卜同洋蒽都煮到好淋好入味呀~
呢个牛肉既份量真系好多，同意粉差唔多系 1 : 1咁济~绝无欺场~
好钟意佢个PASTA, 系超阔个只，带有少少嚼劲，加上切口有少少粗糙感，好似HOMEMADE咁呀~ 劲有农家风味~因为RIB同汁都系偏淋，混合呢个咁爽身的PASTA 好爽, 唔会食到一PAT PAT 咁~
最惊喜系入面竟然加入左矮瓜呀~
仲一D都无违和感，成个味道都好夹~
小朋友嘛，当然要番个BURGER(点解好似阿囡生日多过我生日~><)
RICH MAN'S BURGER
HKD 175
呢个BURGER 真系好RICH AR!~ 咩料都有齐最搞黎系有只好似煎蛋咁既荷包蛋~
牛系有机认证的~ 叫左七成熟，煎得啱啱好香口黎又唔会熟过头~
BURGER 既每层都夹有唔同既食材，有 芝士，黄瓜, 蕃茄~CARAMELIZED ONION仲加入左蛋黄酱~ 每一啖成个口都充满好复杂既味道~
我都数唔到个饱究竟有几多层，只系知道食左1/4个，我已经好饱了~
今个生日，实在好满足又好饱足呀~
每年生日，我都系同一个愿望
家人身体健康
不过今年就多一个，希望囡囡入到心仪小学啦~
题外话/补充资料：
待应好有礼貌，好WELCOME~
七点半后已经满座，最好早D黎或订定枱~
(以上食记乃用户个人意见 , 并不代表OpenRice之观点。)
张贴
