蟠龍半島餐廳

营业中

休息中

妈妈生日系要食好d嘅。黎左呢间好有历但经重新装修嘅蟠龙半岛餐厅度试下。6个人，各人一个set dinner。前菜，餐汤，主菜，餐茶。 额外加左个法式焗田螺。前菜有两个选择，一个系纯鸡丝沙律，一个系有两只大虾跟盘。个沙律味道有些少怪，但个槛榄就好好食，无苦涩味。食完头盘黎左个田螺，呢个真系爆爆爆好食。每只田螺都算有肉地，牛油香草汁好香浓，焗完d油陪住薯蓉食。正！到个汤，大家都饮鱼嘅红汤。鱼方面食得出用大量lemon juice去僻腥，但鱼块依然好腥。不过汤底系几好饮，少少辣，好开胃。主菜我地叫左牛仔肉同鹅肝红菜头饭。牛仔肉好焾好香，肉汁亦好够。至于鹅肝，真系煎得好香，外面金黄，入面松软。配住意大利饭食真系太味味喇。虽然餐茶无咩特花茶offer，但分数亦都够高。返食指数:4粒半星(最高5粒)。