樂天經典 (已結業)

今日同屋企人一齐食饭，平时工作繁忙，其实基本上都好少同屋企人食饭。难得大家今日一齐食饭，就食餐好的，我就介绍大家去呢间乐天经典食南洋风味嘅菜式。黄金虾球 $155 S我一向好钟意食大大个虾球，呢度有三种味既虾球，有辣有唔辣，仲有话Wasabi口味，都几有新奇。不过虾球就唔系好大只，但咸蛋味都几浓，所以食落都好好食。酸甜生鱼片 $108 S酸甜鱼不嬲系我嘅挚爱，嚟到呢度都一定要叫！不过鱼片就比较细条，可能系因为嗌咗细版嘅关系。酱汁好浓好稠，小朋友都好喜欢，𩠌饭一流。砂煲花菇西兰花扣海参 $297 M同屋企人食饭，当然要叫番少少贵价菜啦，要有返啲名贵嘅菜式，先系一家人食饭既! 海参系我屋企食饭必备既菜，海参预早切好，有大大只冬菇同大量西兰花，都唔错嫁。