老川皇

营业中

休息中

唔好怀疑，点解出面热辣辣32度我地会走去食四川菜，因为食辣系一种魔力，无论上次食得几辛苦，总要定时定候回味下。今日去呢间老川皇，男朋友话一定要试个酸菜鱼，我就点都要干锅肥肠，淀粉质方面有红薯粉同埋炒土豆丝。最后开反2枝老金威，极麻甩，极舒爽！酸菜鱼方面我地选左桂花鱼，鱼肉好滑，酸菜汤底好入味，加上酸野本身开胃，一片接一片不停口，美中不足既系酸有余而辣不足，要另外再点辣椒油先得！干锅肥肠好香好惹味，粒粒肥肠既肥瘦分布都好平均，一啖咬落去有汁有咬口，质感爽口弹牙，美中不足嘅系唔够大粒唔够多，明明之前食过份量多好多的。淀粉质代表方面，红薯粉普普通通，冇咩特别。但炒土豆丝真心出色，一点都唔油腻，条条土豆丝都炒得好入味，轻轻的小辣恰到好处。总括而言，如果忽然间川菜瘾发作，不妨到一到访，颇有惊喜。