Sense Cafe (已搬遷) 新店位置

喺佐敦食完韩烧，即刻搜寻附近嘅甜品舖，见呢间cafe啲甜品几靓，就拉队前往。去到后，望到餐厅满座，不过见有一两张枱食完，所以都等下，反正唔赶时间。但由我哋喺门外望下望下到走埋入去企咗一阵，都无服务员接待，直至有一张二人枱嘅人离开，先有人留意到我哋，话暂时未有位，要等一等（因为我哋五个人）。等咗大约两三个字就有位，餐牌有注明最低消费:每人一杯饮品/甜品。所以我哋就各自各点自己𠮶份。雪糕朱古力特饮 & 雪糕朱古力咖啡特饮啲雪糕口味系自选嘅窝夫配什果全份雪糕同酱都系自选Tiramisu 红白心太软由于卖相精美，所以都对味道有所期望，两杯饮品同什果窝夫不过不失，朋友说Tiramisu一般，而个心太软似乎焗耐咗。店员喺留意店面情况方面需要加强，因为我哋入离又无人理，挥手好耐又无人理，个个店员都好似留意唔到咁。价钱算合宜。