Cocina 3 Tapas Restaurant & Bar (已結業)

去开奥海城做嘢，又唔想行番旺角食饭，见依间餐厅咁多好评，又想食西班牙嘢，就去试试！店内装修好靓，好有心思，地方阔落有空间感，仲有室外座位，都好适合倾计拍拖🥰如果happy friday黎应该会劲chill🥹我哋两个人叫咗个二人套餐，西班牙餐嚟讲都几抵食！首先上左餐前小食墨西哥脆片同面包，个点酱非常好味，配搭墨西哥片好解腻！我哋当晚系西洋菜忌廉汤，有微微西洋菜香，忌廉味唔会过重，好特别👍🏻小食我哋点咗西班牙香辣蒜片虾，一上台就闻到好香，三色椒烧得好甜，重点系虾又爽弹又富蒜香，好好食！🤤我哋叫咗西班牙海鲜炒饭，配料十足，有大大只虾，而且虾肉同样弹牙，仲有西班牙肉肠，充满咸香，为成个饭嘅味道口感更添层次😍主菜我哋叫咗香煎三文鱼扒配黑松露野菌忌廉汁，配菜又系好够，好多新鲜蔬菜，薯蓉本身都有好香黑椒露味，又够滑口，配上酱汁口味好香浓！三文鱼皮煎得脆口，肉嫩，皮上嘅葵瓜子令到成件三文鱼扒嘅口感更特别，配搭好适宜！🥰最后甜品样样都有，好适合选择困难嘅每一位🤣 当中最正系栗子批，好唔舍得食晒！