小魚兒 (寶漢大廈) (已結業)

终于嚟到HAPPY FRIDAY喇！！真系等到颈都长🫠🫠一早就约好朋友食餐正嘅！朋友话好耐无食鸡煲，仲要指明唔系大排档个D，要正宗川式味道。虽然而家川菜选择真系好多，不过要揾到间正宗又多款式去满足我呢D贪心人，真系唔容易🤪上OPENRICE见到有呢间开咗唔系好耐，但好多人赞佢嘅烤鱼、鸡煲同酸菜鱼，就即刻BOOK位去食喇！上到去睇餐牌，见到佢D菜式真系超多！仲要可以讲得上系食鱼嘅专家，因为好多你唔会谂到或者容易食到嘅野佢都有，好似：鱼春、鱼卜、鱼肝，哗😯😯😯见到个烤鱼超大份，好吸引，不过都系忠于我哋嘅初衷：鸡煲！！！🐔🐔🐔🐔佢个鸡煲真系完全唔同你悭，一大层芫茜盖面，姐姐好好人会帮我哋睇好时间过黎炒炒炒！半只鸡件份量都唔小，肉又厚又入味，而且配料又多。我见到嘅有：八角、葱头、大蒜、辣椒、香芹......其他唔系好识喇🤭🤭🤭鸡煲味道香麻，叫咗BB辣都已经足以令我哋麻得超爽爽！鸡煲食到咁上下可以就加汤烚下其他野食，我哋就叫咗个黄金组合，有金菇菜+海带结+薯仔片+莲藕片。放埋入去鸡煲入碌吸晒鸡煲嘅味道精华！除咗鸡煲，当然仲要试吓佢D小食，尤其系鱼类🐟🐟🐟叫咗：姜葱爽鱼皮、金银蒜烧黄花鱼春、炸双皮