Osteria Felice (已結業)

好一个黑色星期五，早几日约咗班好同事去试呢个任饮任食happyhour，抱住期待嘅心情，准时六点九到达餐厅。＄298嘅All u can drink & eat，红白酒汽泡酒烈酒都系任饮，前菜有三款分别有沙律，炸洋葱圈，同埋Parma ham，我哋三样都试哂，Parma ham品质唔错，虽然唔系最贵嘅款式，但系入口咸香咸香，沙律嘅菜好新鲜，洋葱圈炸得分香口。主菜方面意粉同Pizza分别都有几款选择，意粉四款我哋全部都有试，味道唔错，份量足，后尾每次添加佢都比足四个人嘅份量我哋，我哋费事太饱所以最后都唔敢再叫意粉。相对其他食物Pizza就有啲失色，我哋试咗两款，好彩佢系细细个每个分开四件，胜在够热够脆。店里面环境好好，虽然有啲嘈，但系店员好快手好有礼貌，虽然系任食，每次落完单好快就有得食。呢个价钱喺中环星期五，仲要系由六点食到10点，真系冇得挑剔。