Aldou Cafe (已易手) 新餐厅

终于望到星期五，又系揾好野食既日子，上网睇到呢间Aldou Cafe的comment唔错, 是一间特色小店（我怕嘈，人小d静d）！食完觉得叫既每样嘢都好食，所以真系要post上黎赞吓!餐牌劲多选择，最后order了南瓜忌廉汤、香焗比目鱼、虎虾配香草忌廉汁、鸭肝手打牛肉芝士汉堡配薯条、白酒忌廉煮大蚬、热朱古力同果茶! 个汤有好香甜南瓜味，滑滑既口感； 比目鱼焗得好靓，焗到个皮系脆嘅，而啲肉系好嫩好滑，同埋唔会有任何鱼腥味 ，再配埋佢既香草忌廉汁 ，点缀得非常好! 虎虾好弹牙,新鲜爽甜。 个burger都好正，鸭肝沟牛肉，真系别有一番风味，浓得黎唔酥，比起连锁店甚至高级小小既三文治店嘅汉堡包，呢个真系畀十个like佢!  佢个薯条都焗得好好，大大条，粗粗肥肥咁，外脆内软! 另一个都值得赞既系白酒忌廉煮大蚬，真系好大好肥美，鲜味十足，好抵食!  呢间餐厅好得意，佢系冇柠檬饮品的，可能佢d嘢唔肥腻唔洗消滞挂! 所以就叫咗朱古力同果茶。朱古力好浓好香好滑，果茶里面系有一粒粒果肉嘅，好有口感!  整体食物都值得推介，下次一定再黎试其他美食。