Hatsu Japanese Restaurant (已結業)

又到星期五，适逢有新同事黎，系时候出去食饭啦。由于今日既饭局安排比较急，所以我地都无去得远，去左公司附近食就算。打电话留枱，等左十分钟就安排好入座。午餐定食款式都几多，每款都会有自助沙律吧、面豉汤、蒸蛋再加热咖啡。坐低之后我地即刻去攞沙律食醒一醒胃，睇落所提供既沙律平平无奇既，但系沙律dressing 出奇地好味，我试左佢地既自家制沙律酱，味道颇丰富，有蛋香亦有黑椒既味道。主菜叫左软壳蟹天妇罗配日式牛扒定食。两样食品不过不失，天妇罗份量较少，但食落唔会成口粉浆，几香口。日式牛扒有啲唔够热，酱汁味道可接受，但系牛扒质素及烹调一般。其他面豉汤蒸蛋咖啡都系大路野，没有亮点。总结：性价比不高，价钱系$179加一，呢个价钱可以有更多更好既选择。