Mini Friday (The Wave)

营业中

休息中

上次食咪走鸡果阵时发现原来同层仲有一间所属同集团嘅西餐厅。装修一流同见到Menu上嘅菜式好似唔错,所以就已经Mark低左如果有机会就要试下。上枱已经见到卖相非常吸引,酥皮包住粉红色嘅牛柳,酥皮厚度适中焗得香酥,牛柳亦够juicy,再加上酥皮同牛柳之间嘅黑松露蘑菇酱非常之惹味,即使吾洗额外点酱都已经好味。每条意粉都沾上乌卒卒嘅墨汁,但食落充满咸香嘅鲜味,意粉里面仲有几只墨鱼仔但略嫌有D太生。炸软壳蟹炸得香脆松化香脆,但中间仍然有D蟹肉,相当滋味。炸得香脆又邪恶至极嘅炸芝士外皮包满面包糠,而里面嘅芝士拉线效果极佳,可以拉到好长都吾断。系一碟需要趁热食又非常之正但充满邪恶感嘅小食。