影片
更多
2018-11-15
22 浏览
Happy Friday同朋友揾地方倾计，夜晚尖咀周围都系游客，cafe又收得七七八八，最后佢带咗我去厚福街间楼上酒吧吹水，装修劲靓好似去咗泰国咁，几有惊喜😮.地舖好多酒吧都十足沙甸鱼罐头响迫到爆炸，而呢度因为占地全层，有人气够气氛得嚟又唔会话好迫促，坐得几舒服，而店员都系后生仔囡nice到似friend多过似职员😂.听朋友讲呢度个调酒师之前做开酒店高档吧，所以呢度好多酒都好有水准，除咗cocktail仲有两个木桶仔自己酿酒添😮 其实一杯卖七八十蚊但酒店水准，觉得唔贵啰✨.咁我本身唔饮酒佢都可以叫mojito走alcohol，用新鲜薄荷叶好香够清新，唔会好似出面调到成支漱口水咁，而系真系好饮，至于朋友叫果杯就系点题作Helen’s，成杯浅紫色好特别，佢就话酸酸甜甜有种东南亚feel😛.除咗饮酒仲呢度可以叫啲小食送下酒，大都系烧炸香口嘢，叫咗个一口芝士同炸鱿鱼圈，老实讲我就对酒吧嘢食冇乜期望，但估唔到又冇惊喜㖞，新鲜炸起脆卜卜，芝士入面爆浆，鱿鱼又够弹牙，唔错唔错✨.又话说而家佢地做紧活动，只要叫一杯Helen’s就可以玩抽奖，最劲嘅大奖系一年免费任饮😱 当然我呢啲冇乜抽奖运嘅当然只系抽
.
地舖好多酒吧都十足沙甸鱼罐头响迫到爆炸，而呢度因为占地全层，有人气够气氛得嚟又唔会话好迫促，坐得几舒服，而店员都系后生仔囡nice到似friend多过似职员😂
.
听朋友讲呢度个调酒师之前做开酒店高档吧，所以呢度好多酒都好有水准，除咗cocktail仲有两个木桶仔自己酿酒添😮 其实一杯卖七八十蚊但酒店水准，觉得唔贵啰✨
.
咁我本身唔饮酒佢都可以叫mojito走alcohol，用新鲜薄荷叶好香够清新，唔会好似出面调到成支漱口水咁，而系真系好饮，至于朋友叫果杯就系点题作Helen’s，成杯浅紫色好特别，佢就话酸酸甜甜有种东南亚feel😛
.
除咗饮酒仲呢度可以叫啲小食送下酒，大都系烧炸香口嘢，叫咗个一口芝士同炸鱿鱼圈，老实讲我就对酒吧嘢食冇乜期望，但估唔到又冇惊喜㖞，新鲜炸起脆卜卜，芝士入面爆浆，鱿鱼又够弹牙，唔错唔错✨
.
又话说而家佢地做紧活动，只要叫一杯Helen’s就可以玩抽奖，最劲嘅大奖系一年免费任饮😱 当然我呢啲冇乜抽奖运嘅当然只系抽到安慰奖啦，但连安慰奖都有支啤酒送㖞，贪心啲谂只系叫一杯已经包底送一支啤酒你叹，走时仲有两张一百蚊coupon派，正呀喂😂
张贴
