The Pantry (已結業)

㖊晚同成班旧同事饮野， 其中一个话今日上午唔使返工㖞，我即刻约佢今日lunch啦， 顺便倾下来年有咩大计嘛。因为我下午系圆方有meeting, 所以我就约佢嚟呢间餐厅。我地两个都点lunch set。佢lunch set选择多， 一时都花多眼乱，最后我决定试佢嘅炸鸡waffle配蜜糖芥末酱汁，而朋友就拣左蕃茄鲜虾罗勒mascarpone芝士意大利粉。餐汤系磨菇忌廉汤， 磨菇味浓，食到粒粒磨菇碎， 加左少许忌廉，所以特别滑， 不过我觉得唔加仲好。朋友嘅意粉先上， 份量都几大㖞，蕃茄芝士味几浓， 鲜虾好多，质地爽脆，因为加左罗勒，所以意粉有好清新嘅香气。我份炸鸡waffle卖相好得，炸鸡好大块，炸得金黄但唔油， 底下有两大片waffle。炸鸡肉质鲜嫩，浇上带甜味嘅芥末酱好好味。waffle牛油味香, 加埋炸鸡一起食最夹。饮品我地要左berries smoothies, 天气潮湿，饮冰凉微酸但果味清香嘅smoothies就最爽喇。