北京樓 (歷山大廈)

营业中

休息中

朋友生日， 拣咗好耐未黎过嘅北京楼吃饭。冷盘叫咗素鹅同醉鸡。素鹅同出面大部份走路唔痛是没有油炸的，非常清新。醉鸡中规中矩，浸得入味但酒味不重。黄金虾味道很好不过虾有啲霉。系全晚最失望嘅一道菜。今晚主角当然系片皮鸭。北京楼的片皮鸭未必系全香港最好，但一定系全港水准最稳定的， 从来无失手。今晚亦唔例外。肥瘦适中，薄饼每件分明唔会黐住。二食鸭肉生菜包感觉清爽，同片皮鸭形成不同嘅对比。一边食一边望住师傅表演拉面，于是叫咗一碟。炒拉面卖相麻麻，不过味道不错。小笼包皮薄馅靓，朋友虽然夹左多次都失手跌翻落碗，小笼包皮依然冇破烂，认证左点心师傅嘅功力。甜品叫咗依家比较少见嘅拔丝香蕉。用糖浆做嘅皮冷冻后变咗香脆嘅外壳， 但里面嘅香蕉仍然保持温暖，系一到考厨师功夫嘅甜品。