少爺泰 (已結業)

每星期最开心既星期五又黎啦！辛苦完当然要食餐好既！热辣辣食泰国野就岩啦！前菜当然要食个沙律啦！泰国沙律款式好多，仲有唔同配搭，我就拣左个泰式凤爪沙律，份量好够，凤爪系无骨的，好爽脆，酱汁酸味同辣味平衡得岩岩好！加埋配菜好清爽！金沙咸蛋软壳蟹米纸卷-第一眼望到摆盆就已经好吸引，酱汁带有少少芒果味，一卷都唔细，一口咬落去有不同口感，夹埋一齐好Flesh!唔系炒嘅街头泰北生菜包-见到个名咁得意叫黎试吓，一嚟到已经好香，肉粒分明一啲都唔干身，仍保留有酱汁，用生菜包住黎食，带有酸辣味道，我钟意！沙嗲串烧拼盘-鸡肉串烧好滑，好入味，牛肉串烧肉质淋身，牛肉味亦好香，猪颈肉串烧，肉质爽口，分别有沙嗲汁同甜辣汁，沙嗲汁好野味，甜辣汁好舒服！招牌菠萝炒饭配大头虾-几乎每张枱都有叫，黎到时俾佢外型吓亲因为真系好大个，大头虾炸到好香脆，肉质都几新鲜，菠萝串好好食！烧过既菠萝比较甜，无左涩味，重点个炒饭炒到粒粒分明，保留足够水份，仲有肉松加埋一齐，完美配搭！唔好睇佢个菠萝细细，但饭量都几多下！马拉盏炒通菜-通菜够嫩口保留爽脆道，咸香味好足够，仲好有镬气！饮埋呢到既特色饮品真系一个大满足呀！