影片
更多
2017-12-20
1036 浏览
又到每月一聚嘅日子，今次友人拣左旺角Nardo's Cafe呢个大家都方便嘅地方。Nardo's cafe 喺旺角新城8/F，离地铁站只需5分钟步程，非常方便呀！一出䢂就见到挂满充满圣诞气氛嘅吊饰，你就知道圣诞节黎紧啦。Nardo's cafe并唔系一间只提供食物嘅餐厅，佢地备有大量游戏卡、UNO、啤牌、象棋、波子棋或者飞行棋之类，比你慢慢玩，真系大人细路都啱玩架。趁未人齐，叫左野食先，友人话要迟少少，帮佢拣埋食乜，咁我唔客气啦。呢度有两款Party set，按人头收费，有头盘、小食、主菜、甜品，其中饮品更系任饮，啱晒钟意一路玩一路食嘅朋友。火鸡胸沙律（配胡麻酱）味道好清新，鸡肉算几多，菜咬落够新鲜，配埋胡麻酱感觉好夹呀。意式茄酱烩肉丸: 茄味够香浓，而且唔会太咸。肉肠拼盘:有两款肉肠，迷你司华力肠、意式香叶肠、迷你牛仔肠同热狗肠，啖啖肉唔驶「Lur」骨，啱晒我。未上台已经feel到果份热气，香辣脆薯皇炸得金黄松脆而且够晒粗壮，比起幼薯条确有另一番风味。仲有蒜香鸡翼、咖喱角、炸麦乐鸡块等，真系好多选择，啱晒一大班人食。饮品有无限加添嘅QUEEN女皇--即系青苹果汁+芒果汁。同埋PRIN
Nardo's cafe 喺旺角新城8/F，离地铁站只需5分钟步程，非常方便呀！
一出䢂就见到挂满充满圣诞气氛嘅吊饰，你就知道圣诞节黎紧啦。
Nardo's cafe并唔系一间只提供食物嘅餐厅，佢地备有大量游戏卡、UNO、啤牌、象棋、波子棋或者飞行棋之类，比你慢慢玩，真系大人细路都啱玩架。
趁未人齐，叫左野食先，友人话要迟少少，帮佢拣埋食乜，咁我唔客气啦。呢度有两款Party set，按人头收费，有头盘、小食、主菜、甜品，其中饮品更系任饮，啱晒钟意一路玩一路食嘅朋友。
8 浏览
0 赞好
0 留言
味道好清新，鸡肉算几多，菜咬落够新鲜，配埋胡麻酱感觉好夹呀。
意式茄酱烩肉丸: 茄味够香浓，而且唔会太咸。肉肠拼盘:有两款肉肠，迷你司华力肠、意式香叶肠、
迷你牛仔肠同热狗肠，啖啖肉唔驶「Lur」骨，啱晒我。
未上台已经feel到果份热气，香辣脆薯皇炸得金黄松脆而且够晒粗壮，比起幼薯条确有另一番风味。仲有蒜香鸡翼、咖喱角、炸麦乐鸡块等，真系好多选择，啱晒一大班人食。
饮品有无限加添嘅QUEEN女皇--即系青苹果汁+芒果汁。同埋PRINCE王子--就系菠萝汁+橙汁+士多啤梨汁。两款饮品味道较淡，但就够晒健康。
朋友当中总有啲人要食饭面先够饱，我地拣左香草忌廉鸡皇长通粉同埋黑松露烟三文鱼海虾意大利饭，两款份量都好够，一定食得饱。
最后仲有甜品，有朱古力慕斯蛋糕、蓝莓芝士蛋糕、纽约芝士蛋糕。
朱古力够黑够浓，身为朱古力控绝对唔可以错过。另外两款芝士蛋糕，友人都大赞美味。
其实有时一大班人出黎，野食唔系最紧要，最重要系大家可以聚下旧，倾下近况。
黎紧圣诞节咁多日假期，如果约朋友可以黎多次呢度㖞。
张贴
