Butlery

营业中

休息中

今日约咗朋友嚟沙田新城市广场行街街购物，想揾间靓靓打卡餐厅，同朋友慢慢坐，倾吓偈，影吓相，舒舒服服咁食个晚餐。嚟到呢间餐厅，见到餐牌好多小食，份量唔算好大，好适合女士，可以拣多个款式，一齐分享嚟食。女士注重健康，首先拣一个「烤鸡沙律」，沙律菜非常新鲜、入口爽脆。除此之外，精美嘅饮品都非常吸引，我拣咗一杯「士多啤梨奶昔」，好适合打卡用，大大杯，好浓奶味。接着，我朋友钟意食鹅肝，所以拣咗一份「鹅肝牛扒汉堡」，鹅肝好香滑，做到外脆内软。汉堡包原来冇任何配菜，于是我就拣一份「炸薯条配芝士酱」作为配菜。女士们食饱饱第一个胃，一定要食甜品去填饱第二个胃，我哋拣咗一份「士多啤梨朱古力疏乎厘pancake 」 分享嚟食，pancake唔算太甜，软滑到会震嘅疏乎厘pancake，超好食。