影片
更多
2016-09-24
520 浏览
3个女人一个墟，但系原来……再加多个男人系多1个墟~今晚我地几个唔同Department嘅旧同事一齐出嚟聚会，我地今次拣咗间喺内街嘅酒吧式餐厅鸡翼拼盘 - 有3款鸡翼，有炸鸡翼、蜜糖鸡翼、黑椒鸡翼，我个人觉得黑椒鸡翼比较好味，蜜糖都唔差，所有鸡翼都非常juice，yum~~夏威夷Pizza - Pizza我最钟意就系超薄批底，因为太厚嘅批底系唔好食，太厚批底会好快饱，同埋根本食唔到批上面材料嘅本味，所以都系薄批最好，而食pizza最稳阵……一定系食夏威夷，虽然材料平平无奇，但系佢所有材料都系配合得好好凯撒沙律 - 食凯撒沙律，我最钟肠重一定系佢啲面包粒，另外呢个凯撒汁完全沾满晒所有沙律菜，非常好味吞拿鱼沙律焗薯皮 - 呢个薯皮真系好食到无朋友，焗得啱啱好，个薯皮非常脆口，另外吞拿鱼用满满嘅沙律酱拌匀，所以唔会因为焗过就干咗，重系好juice，薯皮重有酱汁可以沾架，就系酸忌廉喇~~黑豚肉汉堡 - 哗，块豚肉大到呢……眼都突埋……长过个包，个豚肉好爽脆，又淋，一啲都唔韧，个汉堡有件菠萝，菠萝上面有个好特别嘅酱汁，竟然系菠萝蓉，佢加埋个煎过嘅菠萝，同块黑豚肉味道好夹~~Big JJ汉堡 -
今晚我地几个唔同Department嘅旧同事一齐出嚟聚会，我地今次拣咗间喺内街嘅酒吧式餐厅
鸡翼拼盘 - 有3款鸡翼，有炸鸡翼、蜜糖鸡翼、黑椒鸡翼，我个人觉得黑椒鸡翼比较好味，蜜糖都唔差，所有鸡翼都非常juice，yum~~
夏威夷Pizza - Pizza我最钟意就系超薄批底，因为太厚嘅批底系唔好食，太厚批底会好快饱，同埋根本食唔到批上面材料嘅本味，所以都系薄批最好，而食pizza最稳阵……一定系食夏威夷，虽然材料平平无奇，但系佢所有材料都系配合得好好
凯撒沙律 - 食凯撒沙律，我最钟肠重一定系佢啲面包粒，另外呢个凯撒汁完全沾满晒所有沙律菜，非常好味
吞拿鱼沙律焗薯皮 - 呢个薯皮真系好食到无朋友，焗得啱啱好，个薯皮非常脆口，另外吞拿鱼用满满嘅沙律酱拌匀，所以唔会因为焗过就干咗，重系好juice，薯皮重有酱汁可以沾架，就系酸忌廉喇~~
黑豚肉汉堡 - 哗，块豚肉大到呢……眼都突埋……长过个包，个豚肉好爽脆，又淋，一啲都唔韧，个汉堡有件菠萝，菠萝上面有个好特别嘅酱汁，竟然系菠萝蓉，佢加埋个煎过嘅菠萝，同块黑豚肉味道好夹~~
Big JJ汉堡 - 呀……呢个Big JJ，佢块汉堡淋到非一般，我好耐都无食过呢啲手造汉堡煎完都唔实，重好淋好Juice，加埋块芝士简直一绝，其实真系好味到我好难用文字去形容，如果你有幸去食呢间餐厅，Big JJ绝对系我推介
题外话/补充资料：
呢间其实系一间酒吧嚟，餐厅后面系有啲酒吧游戏玩，就系我一直都好想玩嘅Beer Pong，本来店员叫我地试下……但系……呢个桌戏嘅规则系，输嘅一方，除咗要饮晒啲酒之外……重要输埋呢round酒钱……所以……我地都系下次先试喇XDXD
(以上食记乃用户个人意见 , 并不代表OpenRice之观点。)
张贴
