形 (MPM文華商場)

营业中

休息中

约咗成班好姊妹喺形 Katachi食饭，贪佢呢度可以食住等。我同闺蜜就约好咗六点到达，实行嚟个happy hour。呢间系酒吧餐厅，仲有得掟飞镖。 Happy hour食住等，我哋先叫几串串烧同饮品。时间尚早，叫番杯冇酒精嘅Mocktail，呢杯Mix Berry Paradise净系卖相都已经够吸睛，打卡一流，而且味道都唔错，酸酸甜甜咁，上面仲有几粒新鲜士多啤梨，大大杯可以同朋友开心share。串烧可以拣唔同嘅风味(原味、麻辣、香辣)，仲有唔同嘅辣度(大中小辣)，唔太食得辣但又想食辣嘅我哋就拣咗香辣小辣。我最钟意食烧鸡全翼，烧得啱啱好，入面肉质仍然保持鲜嫩，外皮就微微香脆。牛舌薄切得嚟仍然好有口感，配埋少少辣真系好正。鸡肾都系切咗薄切，非常爽口。猪颈肉一向都系我嘅至爱，烧烤嘅猪颈肉就更加好食。鱿鱼须系朋友要求点嘅，估唔到一串有咁多条，鱿鱼须好弹牙，非常爽脆。翠玉瓜总共有三片，烧得又腍又甜。我拣烧鸡翼，朋友就拣烧生蚝。原来生蚝超大只，呢个价钱真系好抵食。最后我哋就食返啲有益嘅嘢，呢包焗蒜蓉杂菜好大包，里面有齐多款唔同嘅蔬菜，混合埋生蒜同炸蒜一齐焗，非常香口又好食。