春宵

营业中

休息中

放咗工同同事嚟到湾仔呢间火锅店打边炉，餐厅所用嘅汤底都系㖞，原材料冇落任何味精，丰富材料熬制原汁原味。🍲汤底呢个招牌滋阴补身鸽子汤真系当汤饮都得，好味有益又健康，原只鸽子煲够出嚟嘅汤真系特别鲜甜。仲要落咗杞子，健康又明目。🐂飞驒和牛西冷大大片飞驒和牛西冷，切得好薄，摆落去火锅度渌一阵就食得。雪花油脂平均分散晒喺牛肉薄片上，食落去入口溶化又甘香，果然系牛肉中嘅极品！🐟脆鲩鱼骨腩鱼腩大大件，鱼肉新鲜鲜甜，肉质爽脆，食落去啖啖肉，非常好味。🦐海中虾新鲜海虾甜到不得了，虾肉爽口又弹牙，虾头嘅虾膏非常浓郁。🥬二人什菜什菌盛合，油麦菜，娃娃菜，云耳，冬菇，金菇，杏鲍奸菇，车厘茄。