LAVA Bar & Restaurant (已結業)

今个农历新年前，公司特别多嘢做，年尾又多应酬，今晚约咗朋友落酒吧倾偈，松一松啖气。去到太子酒吧街，求其揾咗间环境清静，坐得舒服，就行咗入去，叫几款小食。巴塞隆拿多士 : 四片法式面，焗得脆卜卜。每块上面都放有不同的美食，有牛油果配咸蛋黄，又有啲放虾仔、有啲又放鱿鱼仔、又有新鲜银鱼仔配番茄，每一片都有自己嘅风格。仲可以配沙律菜一同食，又变成另一种味道。西班牙脆皮猪腩肉 : 睇落以为好肥嘅烧腩肉，原来佢系非常好食嘅五层腩，一啲都唔觉肥腻。 猪皮烧得脆脆嘅，腩肉又甘香又美味。作为送酒小食，绝对一流。 不过因为听朝要赶返工，唔可以饮酒。所以朋友陪我饮水果特饮。完成手头上工作，一定要再约朋友过嚟，在摸住酒杯底，食住美食，再来倾下偈。