B&L

营业中

休息中

早几日同事话不如揾日去happy hour，跟住我哋话择日不如撞日，就不如今日啦。跟住我哋4:00就出发去happy hour。会展对出其实有好多酒吧都好优惠，我哋见到佢呢一间一杯都系45蚊，跟住就话入去试吓啦。职员话如果坐入边就要叫嘢食，如果坐出边就可以斋饮嘢。大佬，大热天使真系顶唔顺，所以我哋拣咗坐入边，叫咗啲小食。叫咗薯条$58 ，上嚟热辣辣，上边仲有一啲好似热浪味嘅粉，饮酒啱啱好。另外嗌咗份鸡翼$88 ，我觉得炸得有少少㶶，但系其实都OK嘅，配埋泰式辣酱very good仲嗌咗份牛肉墨西哥片$108，呢个值得一赞，劲多酱，有牛油果有莎莎酱，成件事都好好食。饮吓嘢，𠮶晚连晚饭都唔使食！