Golem Craft Beer (已結業)

七点前happy hour，啤酒买一送一，44蚊一大杯，好正🤟🏻*德国脆皮猪手配薯格 $258薯格上先，之后等咗好耐，大约20-30分钟，先嚟猪手。薯格热辣辣，份量非常合理，外皮十分脆口，里面十分软熟，薯仔调味重口味，但又唔会过咸，单食好食，点茄汁都好食，热气脆香薯格配啤酒，加埋TGIF，系社畜嘅恩物(默默流泪)。猪手上枱已经切好咗件，不过比想像中细件。咸香咸香，猪皮脆但好硬，肉质偏干，而且好韧，好难咬开，都系薯格正啲。*黄金流沙鸡翼 $88有六只，热辣辣，咸蛋黄炒到起晒沙，唔会太咸，鸡翼个皮炸到好脆，唔会俾咸蛋黄汁浸冧，鸡肉juicy有汁，呢个组合冇得输，不过贵咗少少。