影片
更多
2015-09-20
269 浏览
最近系FACEBOOK 见到呢间新开既BAR，仲有个桃红色的巴黎铁塔倒转装饰，真系好想黎见识下同影下相，所以就约左好朋友黎HAPPY HOUR啦。上到黎，觉得环境真系唔错，都几适合朋友们放工倾计既地方。坐低之后侍应递来Ipad Menu，我地叫左2杯cocktail，分别系Apple Summer 同埋 Jim Jim。Apple Summer 系苹果同桃汁再加Vodka，至于杯Jim Jim就系荔枝加绿茶再加Vodka，2杯cocktail酒味都唔太重，女仔饮都几适合。之后我地叫左4只生蚝同埋个小食拼盘。唔讲都唔知原来生蚝都有咁多品种，望住个MENU真系唔识拣，最后系职员介绍下拣左2只来至澳洲既Tasmanian同埋2只来至法国既Gillardeau，2款都好新鲜，Tasmanian比较重海水味，一入口会比较咸，肉质带爽脆。至于Gillardeau，口感比较爽，海水味较轻。虽然D 蚝都有茄汁配，但系个人认为唔点酱先至可以食到佢真正既鲜味。小食拼盘有3个选择，我地最后拣左个德国肠拼盘。个拼盘有6条肠，分别有慕尼黑白肠，香草肉肠，烟辣椒肠，原味纽伦堡肉肠，烟莎乐滋米肠。当中香草肉肠最好味
上到黎，觉得环境真系唔错，都几适合朋友们放工倾计既地方。
坐低之后侍应递来Ipad Menu，我地叫左2杯cocktail，分别系Apple Summer 同埋 Jim Jim。Apple Summer 系苹果同桃汁再加Vodka，至于杯Jim Jim就系荔枝加绿茶再加Vodka，2杯cocktail酒味都唔太重，女仔饮都几适合。
之后我地叫左4只生蚝同埋个小食拼盘。唔讲都唔知原来生蚝都有咁多品种，望住个MENU真系唔识拣，最后系职员介绍下拣左2只来至澳洲既Tasmanian同埋2只来至法国既Gillardeau，2款都好新鲜，Tasmanian比较重海水味，一入口会比较咸，肉质带爽脆。至于Gillardeau，口感比较爽，海水味较轻。虽然D 蚝都有茄汁配，但系个人认为唔点酱先至可以食到佢真正既鲜味。
小食拼盘有3个选择，我地最后拣左个德国肠拼盘。个拼盘有6条肠，分别有慕尼黑白肠，香草肉肠，烟辣椒肠，原味纽伦堡肉肠，烟莎乐滋米肠。当中香草肉肠最好味，而烟辣椒肠就最惹味，但都几辣下，钟意食辣既人一定觉得好刺激，可惜佢既辣度未必真系人人可以接受到。除左肠仔之外，仲有酸瓜同沙律菜。
之后黎既系小食: 炸鱼柳伴薯条配沙律菜。鱼柳炸得够香，可惜炸浆并非是传统英式的厚身炸浆，但又食唔出用D咩整，食落有D热气既感觉，至于薯条炸得比较香脆。呢个所谓既小食，其实份量真系有MAIN COURSE咁大。
食完之后仲有个龙虾汁海鲜意大利饭，饭质地适中唔算太硬，都几易入口，可惜龙虾汁味道偏淡，海鲜都比较少，如果有多D海鲜会更加好。
依家happy hour仲会有８折优惠，今餐埋单最后连加一TOTAL $763，有咁既环境咁既野食仲可以坐咁耐，算唔错架啦。张贴
