Mini Club (已結業)

话明叫Chocolate party一定吾少得大量嘅朱古力,包面头有个细碗仔装住大量唔同种类嘅朱古力。而下面嘅cocktail朱古力同冧酒嘅味道都好浓郁,间中仲食到D oreo碎。系一枝来由英国嘅有机手工啤酒,虽然话就话系蜜糖啤酒,但系饮落去就冇蜜糖味,不过饮落有少少回甘,好清爽。海鲜拼盘好澎湃,啱晒一大班friend一边饮酒一边开心share。里面有齐晒面包蟹,生虾,鲍鱼,龙虾,青口同翡翠螺。最正就系只面包蟹超级多膏,就系望到都觉得正,而且食落D膏又够香,满足晒我视觉同味感嘅享受。其他嘅海鲜都几新鲜,生虾同鲍鱼弹牙,反而龙虾味道就一般。每只海胆生蚝除左铺满海胆之外,仲铺左蟹籽系面,令生蚝显得更矜贵。食落除左有生蚝嘅海水味,仲有海胆嘅鲜甜同creamy口感,双重丰富美味,名副其实幸福二重奏。精选生蚝海水味浓郁,感觉新鲜食落亦爽口。香脆嘅薯条配埋邪恶嘅车打芝士酱,冇可能会吾好食啰,够晒邪恶食完好有罪恶感。食完正餐点可以唔食甜品。女仔吾知点解对甜品永远都冇抵抗嘅能力,更何况系甘靓嘅粉红色铁塔。再配搭埋吾同款式又精致嘅甜品,加埋干冰制造嘅仙气离漫feel够晒浪漫。