麥當勞

营业中

休息中

同上年一样，麦当劳喺3月14白色情人节推出左同批有关嘅优惠，比一个happy pie day大家！平时要$8嘅批，今日只系卖$3.1咋！仲有苹果批、红豆批、芋头批三个选择。虽然，麦当劳成日偷偷地加价，但间唔中呢啲优惠都几吸引架。趁着下午茶时间，我就买咗红豆批同芋头批，原本都有谂过买埋苹果批，但三个又好似太多，所以最后唯有舍弃比较普通嘅苹果批，只系买咗两个。红豆批虽然味道有少少甜，但配合松脆嘅批皮，再加上有红豆粒增加口感，所以整体感觉不过不失。而芋头批就相对冇咁甜，芋头味尚算香浓，同样有芋头粒增加口感，以优惠价泥讲，绝对系性价比高嘅下午茶。