Double Tree (已結業)

星期日就系要不停瞓瞓瞓到晕先舍爬起身！今日当然都唔例外！起得身已经要食晚饭就是常识~于是就同左阿妹外出食个靓饭，揸车系铜锣湾转左几圈都唔食咩，加上人又太多，于是就揸左去湾仔睇吓有无正野食转转吓见到呢间餐厅加上门口又有位泊车，咁就真系唔使谂，即泊低即入去食！由于我太肚饿所以望左一阵就立马叫左好几样野！先有我拣既烧黑椒德国咸猪手配意粉！猪手炸得香脆又够入味，肉香爆出，每口都好满足好好味！点埋特制酱汁下更是正爆！意粉煮得软硬适中，点点酱再夹埋香爆猪手一齐食，确系幸福的星期日晚再来就有妹子想食既蒜香炸鸡中翼，一碟4只，我地每人2只，份量刚好！鸡翼皮炸得极香口，又不油腻，加上浓郁的蒜香下，更是滋味到爆灯！而且鸡翼中也很够味，味道合乎预期，大满足！妹子爆爱芝士，因此就叫左芝士焗薯角，份量十足，大大碟！芝香四溢，薯角在焗前更炸过，皮身本身己很香脆，加上芝士再焗得微焦下，味道更是十分香浓，好食到妹子食完一嚿又一嚿，大部份都被佢食晒呢餐食到饱又唔贵，觉得今个星期日都几Lucky