意粉屋 (已結業)

行到攰攰地，谂住揾地方可以坐耐啲吹下水，就醒起有间意粉屋，行层楼梯就上左去。星期日下午三点几都算多人，好彩都仲有个卡位坐，叫左朱古力 pancake 配云利拿雪糕加一个公司三文治，野饮就要左一杯冻柠水同一杯冻柠茶，两杯都系要自己加糖浆。落单男侍应态度唔太好，我望住佢落单，佢就挑望远方咁答我，我好样衰咩？！好快就到左，仲要两个一齐上，都唔知食得边个先，咁当然系食左朱古力 pancake 先啦，因为有云利拿雪糕。朱古力酱夹左系簿簿的pancake入面，暖暖的配埋冰冻既雪糕，又唔系太heavy，小小地，好岩做女仔既下午茶，罪恶感无咁大丫麻。之后到好heavy既公司三文治配上几块薯片，材料有鸡肉，生菜，蕃茄，蛋等。因为食左pancake先，三文治已经冻哂，个面好un，个边又太硬，整体黎讲麻麻地，但总算饱肚同抵食。