Pizza Maru (荃新天地)

营业中

休息中

荃新天地呢间pizza maru 都开左一段时间，今日终于有机会去试一下。Pizza maru 走韩风路线，但又有意大利菜，所以呢度嘅pizza 都系fusion, 和其他餐厅款式都不太一样。今次叫左个群蟹派对，除左蟹肉之外，仲有虾肉，蘑菇之类等，配以烧烤酱。饼底系蕃茄酱底，好薄好脆，配上上面好juicy同鲜甜嘅饀料， 非常好味.另外一样叫左个菠菜忌廉三文鱼，估唔到走韩风嘅餐厅煮西餐都有水准。菠菜汁好creamy, 意大利粉软硬适中，三文鱼好滑，同外面高级西餐厅水准一样。见到每枱都会叫炸鸡，都知道呢度d炸鸡都好出名，可惜因为食左下午茶，为免浪费，只好留返下次试。饮品方面，餐厅都有好多选择，有酒精同无酒精，我地拣左mojito。荔枝味mojito 好清甜，芒果味就好香，两杯都好好味，视乎你钟意咩口味。