To-Gather Cafe (已結業)

星期三晚上，大家相约系旺角闷闷地， 想揾个地方大家可以坐低倾下计食下嘢。去楼上cafe就冇错㗎喇😉😉😉，呢一间cafe位于金鸡广场，电梯一出就见到㗎啦。Cafe比较的骰，但系五脏俱全有，一啲波game大富翁等可以畀客人一边食一边玩。我哋四个人点咗一个party set套餐包括一啲小食，两个主菜，两款饮品头盘就系日式芝麻酱田园沙律， 沙律入面有生菜青瓜蕃茄冰菜等等，上面布满咗最钟意嘅芝麻酱，芝麻酱好惹味越食越开胃，沙律份量都算多四个人一齐食岩岩好。小食拼盘佢就每一个月都会转嘅，今次食就包括: 薯格,咖哩角, 春卷同埋 招牌盐焗鸡. 呢个小食就应该系即叫即整嘅送上嚟嘅时候系热辣辣㗎😆😆😆仲有个 日式饺子， 饺子皮薄容易入口， 而且馅比较多，唔会畀人净系食到皮多个馅。主食方面嗌咗一个香草白汁鸡皇饭同 肉酱意粉个鸡皇饭真系落足料，啲白汁真系满晒㗎， 送上嚟嘅时候热辣辣，再捞埋一齐系每一粒饭都会有白汁😆😆😆至于个肉酱意粉就比较普通 不过都系落足料嘅肉酱好多但系面条嘅软硬度就比较 硬嘢饮方便买咗个芒亨同埋巨峰提子整体嚟讲其实一班人可以一齐出嚟食饭倾计已经好难得，呢间cafe就啱啱畀到大家一个歇脚点