影片
更多
2023-02-21
735 浏览
虽然老夫老妻不过情人节点都要同老婆大人食餐饭庆祝吓嘅，如果唔系之后就冇好日子过㗎喇嘿嘿！老婆大人食嘢都好有要求咁梗系揾紧佢钟意又稳阵嘅餐厅啦，去帝京酒店嘅KOUDA香田日式料理就肯定冇甩拖。今次嚟到见门口放咗一个许愿打卡位，背后还暗藏咗仿茶艺室嘅布置，食完饭影返张相留念都唔错㖞。我哋就拣咗食限时买一送一优惠嘅春の会席飨宴(梅)，喱个套餐一共有成九道菜咁多包保可以食饱饱。餐厅喱日有正刺身介绍198蚊位，我对老婆大人就最大方㗎喇只要佢钟意就嗌一人一份食啦，喱个刺身入面有14日熟成嘅大拖罗同埋唔系成日食到嘅星鳗苗。嚟自爱媛县嘅星鳗苗外表洁白透亮，食落口感有啲似蒟蒻咁几弹牙。熟成咗14日嘅大拖罗食落肉质细嫩滑溜，熟成过之后拖罗鱼味更集中好浓郁。食咗份精彩嘅刺身之后我哋叫嘅春の会席飨宴(梅)第一味菜就嚟到喇！有个充满意境嘅名叫做如月之鲜味，放喺好似个月亮嘅碟入面同个菜名衬到十足啊。首先食咗喱一个福冈番茄蜜糖渍梅酒啫喱，番茄用蜜糖腌制过食落去特别甜蜜，配衬咗酸酸地又香香地嘅梅酒啫喱味道好鬼清新。跟住食喱个叫做海老高野豆腐，喱个豆腐质地好似海绵咁样，但系又有啲虾嘅味道都几过瘾㖞。最后喱个柔煮北海道章
老婆大人食嘢都好有要求咁梗系揾紧佢钟意又稳阵嘅餐厅啦，去帝京酒店嘅KOUDA香田日式料理就肯定冇甩拖。
今次嚟到见门口放咗一个许愿打卡位，背后还暗藏咗仿茶艺室嘅布置，食完饭影返张相留念都唔错㖞。
我哋就拣咗食限时买一送一优惠嘅春の会席飨宴(梅)，喱个套餐一共有成九道菜咁多包保可以食饱饱。
餐厅喱日有正刺身介绍198蚊位，我对老婆大人就最大方㗎喇只要佢钟意就嗌一人一份食啦，喱个刺身入面有14日熟成嘅大拖罗同埋唔系成日食到嘅星鳗苗。
嚟自爱媛县嘅星鳗苗外表洁白透亮，食落口感有啲似蒟蒻咁几弹牙。
熟成咗14日嘅大拖罗食落肉质细嫩滑溜，熟成过之后拖罗鱼味更集中好浓郁。
食咗份精彩嘅刺身之后我哋叫嘅春の会席飨宴(梅)第一味菜就嚟到喇！有个充满意境嘅名叫做如月之鲜味，放喺好似个月亮嘅碟入面同个菜名衬到十足啊。
首先食咗喱一个福冈番茄蜜糖渍梅酒啫喱，番茄用蜜糖腌制过食落去特别甜蜜，配衬咗酸酸地又香香地嘅梅酒啫喱味道好鬼清新。
跟住食喱个叫做海老高野豆腐，喱个豆腐质地好似海绵咁样，但系又有啲虾嘅味道都几过瘾㖞。
最后喱个柔煮北海道章鱼我劲钟意！鲜甜多汁嘅章鱼整得好有咬口仲唔会过靭，尤其系吸盘𠮶个位食落去脆卜卜好鬼正。
跟住嚟喱个系旬之鲜味三点好鬼有仙气出晒烟咁上枱，木盒入面有日本季节时生蚝令和の怪物，蚝身胀卜卜有好吸引人嘅外表，食落去边位脆口身体绵绵咁味道好清鲜。
话明三点另外𠮶两点就系季节嘅时令刺身，喱晚系深海池鱼同埋帆立贝。
软绵绵嘅帆立贝夹住青柠仲有啲青柠皮，食落去味道清新得嚟仲好鬼鲜甜。
不嬲都钟意食深海池鱼见到有喺套餐入面我梗系开心到飞起啦！肥美充满甘香鲜甜嘅鱼味真系食极都唔厌。
跟住到食香口嘢喱旧系魔鬼鱼脸颊肉，外层炸得好干爽唔会油淋淋，入面嘅鱼肉好实净仲要系越食越有味嘅𠮶种。
之后喱个咁靓仔嘅系帆立贝云丹烧，用海胆嚟烧帆立贝𠮶种鲜甜味我谂唔使我介绍喇挂。
系时候食肉喇喱个叫做八丁味噌烧黑豚，原来系茶美豚嘅腩肉睇落好似好肥咁，但系食落去又唔会一口油，个赤味噌仲令到豚肉好鬼香添。
食咗个邪恶嘅豚肉跟住食喱个菜就啱晒，北海道松叶蟹肉浓豆腐用嘅系阿苏山水制作硬豆腐，豆味好香浓加埋爆多蟹肉嘅鲜味系好味道嘅。
喱个餐本身嘅主菜系老婆大人唔食嘅牛肉，但系可以另外加148蛟转食立鳞烧甘鲷，老婆大人鬼咁识做仲醒咗少少比我食，鱼鳞炸到脆卜卜鱼肉一啲都唔鞋喱百几蚊值得比呀。
至于我都唔蚀底将套餐本身嘅A4鹿儿岛萨摩和牛寿喜烧，加咗148蚊升级叹4%奇迹之萨摩牛，细致嘅大理石油花加上好似奶油咁香甜嘅肉质，配埋面头一粒粒师傅自家制嘅芥末子，喱只奇迹之萨摩牛都几好味。
食过主菜喱个时候饮啖热辣辣嘅汤就最舒服，喱碗系茶美豚赤味噌汤入面有好多料，赤味噌汤饮落去味道好浓郁啱晒重口味嘅我。
最后嘅甜品就非常过瘾竟然系酱油配雪糕，心谂豉油沟雪糕真系会好食嘅咩！
喱枝日本嘅川中酱油原来已经有百年历史，听师傅讲好似香港冇得卖嘅添。
喱枝豉油有酱油嘅香味但系唔会好咸，配埋云呢拿雪糕咸咸甜甜咁，食落去味道又真系几鬼夹够特别㖞。
香田日式料理
电话：26226167
地址：旺角太子道西193号帝京酒店1楼
张贴
