影片
更多
2021-02-15
4293 浏览
🧧农历新年又到啦，熊妹放假无无聊聊，就揾埋𡃁妹去staycation。当然梗系揾间包埋high tea set嘅五星级酒店啦！《 港岛香格里拉酒店》竟然会做呢个套餐，仲要好抵，𡃁妹都一致认同。📌Staycation 前就先睹为快，试下个 afternoon tea先。📌酒店大堂位于6楼，楼底好高，天花吊挂住亮晶晶嘅水晶灯，令到成个环境顿时变得雍容华丽✨，大堂虽然唔大，但系坐得好舒服。📌睇吓餐牌先，基本包上五款咸点五款甜点两款松饼同咖啡或茶，农历年期间系新年餐单，攞尽新年嘅意头。🎉📌经典三层架摆放著14件下午茶茶点，简直琳琅满目，花多眼乱。👀上层-甜点层新年㖞！梗系搞搞新意思。甜点层全部都红当当，以新年为主题，以好多新年嘅贺年食品做为茶点款式，非常特别。香料朱古力慕丝配杂莓果酱（左一）哗！呢条咁长一碌嘅红当当甜点，熊妹第一眼睇以为系年糕，精灵嘅靓妹一睇就觉得梗系炮仗啦🧨！外层包裹着一层红色嘅糖浆，朱古力幕丝好湿，味道又唔算好出，口感麻麻哋，仲要偏甜。新春马卡龙（左上二）红当当嘅马卡龙系蓝莓味，唔系太甜㖞，中间仲有蓝莓果酱酸酸地，细细地一件，一啖份量啱啱好。合桃碎配云呢拿忌廉（左上三）一块
🧧农历新年又到啦，熊妹放假无无聊聊，就揾埋𡃁妹去staycation。当然梗系揾间包埋high tea set嘅五星级酒店啦！《 港岛香格里拉酒店》竟然会做呢个套餐，仲要好抵，𡃁妹都一致认同。📌Staycation 前就先睹为快，试下个 afternoon tea先。
📌酒店大堂位于6楼，楼底好高，天花吊挂住亮晶晶嘅水晶灯，令到成个环境顿时变得雍容华丽✨，大堂虽然唔大，但系坐得好舒服。
📌睇吓餐牌先，基本包上五款咸点五款甜点两款松饼同咖啡或茶，农历年期间系新年餐单，攞尽新年嘅意头。🎉
Afternoon Tea Set
$558
165 浏览
0 赞好
0 留言
上层
94 浏览
1 赞好
0 留言
新年㖞！梗系搞搞新意思。甜点层全部都红当当，以新年为主题，以好多新年嘅贺年食品做为茶点款式，非常特别。
香料朱古力慕丝配杂莓果酱（左一）
哗！呢条咁长一碌嘅红当当甜点，熊妹第一眼睇以为系年糕，精灵嘅靓妹一睇就觉得梗系炮仗啦🧨！
外层包裹着一层红色嘅糖浆，朱古力幕丝好湿，味道又唔算好出，口感麻麻哋，仲要偏甜。
新春马卡龙（左上二）
红当当嘅马卡龙系蓝莓味，唔系太甜㖞，中间仲有蓝莓果酱酸酸地，细细地一件，一啖份量啱啱好。
合桃碎配云呢拿忌廉（左上三）
一块印有牛仔样嘅白朱古力牌，画工好精致。
云呢拿忌廉，牛奶味好香浓，质感唔会好湿，啖啖cream口感唔错。
桂花黄金糕配柑橘及伯爵茶慕丝（左下二）
桂花味、柑橘味、伯爵茶味、黄金糕全部都食唔到，可能因为太多味道夹埋一齐，所以味道有啲奇怪，慕丝口感一样咁湿，得个甜字，慕丝就真系唔系几好食。
白朱古力芝麻芝士蛋糕（左下三）
芝士蛋糕口感几好味㖞！蛋糕质感好厚实，仲有几粒蓝莓陪衬，淡淡嘅芝士味仲有蓝莓嘅清新，味道非常夹。
中层
63 浏览
0 赞好
0 留言
正呀！又有四件松饼喇！经典牛油味同提子干味，一贯地熊妹都会食晒提子口味，因为有提子干加多重口感同味道，牛油松饼好松化，就算放凉了，淡淡嘅牛油味都系口腔徘徊着，质感仲保持住松软，果然系《香格里拉》，出品果然非同凡响！
酱料方面，比较特别嘅系除咗一般选用嘅士多啤梨果酱同埋Clotted cream之外，仲有柑橘果酱，可能系衬返新春Menu，味道都几清新㖞！唔系𠮶啲好难入口嘅橙橘味，都可以试吓！
下层
64 浏览
0 赞好
0 留言
每人五款咸点，的的式式摆喺碟上面，细细地一件放入口又唔会太过饱肚。望落去，用上嘅材料都好似唔惹少。
珍珠鹅肝酱（左上一）
又系熊妹最怕嘅鹅肝酱啦！但今次细细粒嘅珍珠形式呈上，而唔系一Pat嘅鹅肝酱，可以试吓嘅！
好味㖞！鹅肝酱味唔算太浓，冇熊妹最怕嘅内脏味，再配合埋侧面嘅牛油挞皮食，脆脆地几夹，唔错！
烟三文鱼配蟹肉及鳟鱼籽（左上二）
烟三文鱼同蟹肉嘅配搭一定冇得弹啦！上面仲有几粒大大粒嘅鱼子咬落去噗噗声咁标晒啲汁出嚟，非常贵气嘅食材。
香脆乳猪配香葱及红菜头法式软包（左下一）
乳猪脆皮放凉左就唔算太趣啦！入边嘅乳猪肉有惊喜㖞！揸埋甜酱㖞！红菜头法包系上下色姐，味道就冇乜。红当当一件，真系啱晒新春嘅主题。
鲍鱼酥盒配自家制XO酱（左下二）
鲍鱼切粒，放喺牛油酥盒入边。鲍鱼粒口感都几弹牙，XO酱又唔系好食得出，不过份量真系好少，想食多啖都冇。
有机蛋沙律配青瓜三文治（中）
软绵绵嘅白面包中间夹杂着碎蛋沙律同青瓜丝，就系好典型嘅蛋沙律青瓜三文治🥪。
伯爵茶
62 浏览
0 赞好
0 留言
超级惊喜嘅系竟然用上茶叶而唔系一般酒店用上嘅茶包！真系好惊喜！因为熊妹成日觉得用茶叶先会泡出真茶嘅味道🍵！非常窝心地仲有埋隔茶渣筛，呢套茶具真系好多地方都买少见少啦！值得一赞！
用热水泡出嚟嘅伯爵茶真系好浓味，熊妹都不禁加了几转水。
📌好快地，伴随着大堂优美的西洋乐队表演🎻，演奏出各种中西合璧的新年歌曲🎵🎶，令到成个大堂都洋溢着新年的气氛。
📌就咁样享受了两个钟嘅下午茶时光，临走前记得围住门口摆放嘅桃花树走两转，行一行新春桃花运。🌸
📌熊妹拜个早年先，祝大家牛年快乐，心想事成！㊗️
张贴
