影片
更多
2015-07-27
5532 浏览
今日同几位姊妹去在一间酒店食自助餐，间酒店就系喺炮台山既海逸君绰酒店，我去上左3楼食自助餐。之前我几位姊妹都有去过呢间到食自助餐，佢哋推介蚝同埋龙虾，话呢两样野好新鲜㖞，咁呢样野就系我呢个80后最钟意食架喇，所以我就叫佢地带埋我去食yeah！我去到嘅时候我啲姊妹已经到咗大概半个钟，佢地已经食咗好多喇！D: 我一去到，紧系嗱嗱临去揾生蚝同埋龙虾啦紧系！首先食咗个龙虾系波士顿龙虾，系有钳𠮶 只，肉质好un，冇咩鲜味。生蚝系即开嘅，每人每次可以攞三只，我攞左两次，总共食咗六只。我唔钟意落太多其他调味料，我净系落咗柠檬汁，唔错都几新鲜，生蚝味唔系好重嘅。反而长脚蟹鲜味比较重，肉质都好嫩滑。鱼生方面我净系食咗三文鱼同埋带子，依两样野都好鲜甜好味！食热盘都有唔错嘅选择。最吸引我嘅就系当然系烧牛肉啦，会有专人帮你切，𠮶个人切嘅时候已经觉得有啲un，到食嘅时候就觉得其实肉质都OK，但系都干左少少，要落多啲汁补救返。煎鹅肝都唔错但系又系比较干咁啰。 讲一讲天妇罗，个粉浆都几厚下，讲真可以唔洗试，留返个肚食其他野好过！。我有食左几次嘅就系北京填鸭，烧得真系唔错，个皮好薄好脆，唔会有太多油，好正，肉质仲系好
我去到嘅时候我啲姊妹已经到咗大概半个钟，佢地已经食咗好多喇！D: 我一去到，紧系嗱嗱临去揾生蚝同埋龙虾啦紧系！
首先食咗个龙虾系波士顿龙虾，系有钳𠮶 只，肉质好un，冇咩鲜味。
生蚝系即开嘅，每人每次可以攞三只，我攞左两次，总共食咗六只。我唔钟意落太多其他调味料，我净系落咗柠檬汁，唔错都几新鲜，生蚝味唔系好重嘅。
反而长脚蟹鲜味比较重，肉质都好嫩滑。鱼生方面我净系食咗三文鱼同埋带子，依两样野都好鲜甜好味！
食热盘都有唔错嘅选择。最吸引我嘅就系当然系烧牛肉啦，会有专人帮你切，𠮶个人切嘅时候已经觉得有啲un，到食嘅时候就觉得其实肉质都OK，但系都干左少少，要落多啲汁补救返。煎鹅肝都唔错但系又系比较干咁啰。 讲一讲天妇罗，个粉浆都几厚下，讲真可以唔洗试，留返个肚食其他野好过！。我有食左几次嘅就系北京填鸭，烧得真系唔错，个皮好薄好脆，唔会有太多油，好正，肉质仲系好嫩滑！
甜品当然唔可以少得就系雪糕，我全部朋友都疯狂食咗大概有三球，但我本人对雪糕冇乜兴趣所以我走左去食豆腐花，豆腐花超级滑，同埋有超浓郁嘅豆味，超级正，其他嘅甜品中规中矩，太饱既话都冇话一定要食。Harbor Grand Cafe
北角油街23号港岛海逸君绰酒店3楼
张贴
