Mini Friday (The Wave)

营业中

休息中

上次同男朋友食完觉得唔错,今次就带埋母亲大人黎撑枱脚。依旧都要食佢哋依度嘅王牌威灵顿牛柳,酥脆嘅酥皮包住黑松露蘑菇酱配上充满肉汁嘅嫩牛柳,同上一次一样都系依然好味。依个系母亲大人坚持要叫嘅小食,本身对佢冇咩期望,但系反而令我好有惊喜。牛脷稍为烧得微微外脆,但系内里就非常之软淋,如果唔讲真系唔觉自己系食紧牛脷,而系似食紧一块有质素嘅牛扒。配埋旁边嘅芥末沙律酱或者黑醋味道跟上一层楼。面头铺满大量海鲜有炸鱼柳,青口,大虾同鱿鱼。烩饭食落仲有啖啖新鲜香甜南瓜蓉。