影片
更多
2020-11-10
2567 浏览
前阵子去咗位于新蒲岗的Mikiki，皆因呢一间商场可以带埋爱犬一齐进入， 咁朋友就可以带埋非常可爱兼痴身的「柴柴」 一齐出嚟食餐晚饭。千挑万选， 拣咗呢一间位于餐厅外围嘅德国餐厅《Das Bier》， 由于疫情已经成年几冇去过旅行， 唯有靠美食去一解旅行瘾， 就当去咗德国嘅啤酒节。餐厅虽然比较细， 但装修都有少少德国风格，吊灯、木枱等格局都同德国餐厅好像样。另外最赞嘅就当然系有户外座位啦， 依家天气凉凉地，坐户外超舒服， 加上有少少灯饰，都几有feel。前菜《烟三文鱼拼凯撒沙律》， 令人意想不到份量系咁大碟。 凯撒沙律用上咗最新鲜而且翠绿嘅罗马生菜， 加上点缀嘅洋葱圈， 食起来增加咗清甜嘅感觉。 加上份量劲多嘅烟三文鱼， 微微咸香令整个沙律更为诱人。 加上咗parmesan cheese以及面包糠，令沙律嘅口感更为丰富。至于香肠就选择咗亚洲fusion嘅《冬阴功、青咖哩香肠拼盘》。 第一次食冬阴功同青咖哩味嘅香肠， 一入口果然令人有惊喜， 充满肉香，而且又有泰式风味。至于白色嘅就系牛肉肠， 外皮脆， 食落充满肉汁， 可以慢慢品尝到当中的香草香气。 而家最钟意就系点英式芥辣， 钟意佢比较
千挑万选， 拣咗呢一间位于餐厅外围嘅德国餐厅《Das Bier》， 由于疫情已经成年几冇去过旅行， 唯有靠美食去一解旅行瘾， 就当去咗德国嘅啤酒节。
餐厅虽然比较细， 但装修都有少少德国风格，吊灯、木枱等格局都同德国餐厅好像样。
另外最赞嘅就当然系有户外座位啦， 依家天气凉凉地，坐户外超舒服， 加上有少少灯饰，都几有feel。
前菜《烟三文鱼拼凯撒沙律》， 令人意想不到份量系咁大碟。 凯撒沙律用上咗最新鲜而且翠绿嘅罗马生菜， 加上点缀嘅洋葱圈， 食起来增加咗清甜嘅感觉。 加上份量劲多嘅烟三文鱼， 微微咸香令整个沙律更为诱人。 加上咗parmesan cheese以及面包糠，令沙律嘅口感更为丰富。
至于香肠就选择咗亚洲fusion嘅《冬阴功、青咖哩香肠拼盘》。 第一次食冬阴功同青咖哩味嘅香肠， 一入口果然令人有惊喜， 充满肉香，而且又有泰式风味。
至于白色嘅就系牛肉肠， 外皮脆， 食落充满肉汁， 可以慢慢品尝到当中的香草香气。 而家最钟意就系点英式芥辣， 钟意佢比较攻鼻， 比较刺激。
另外香肠拼盘下面仲有大量的德国酸椰菜， 德国酸菜的酸度刚刚好， 食得太多香肠感觉比较油腻， 食啲酸味味嘅酸椰菜就可以中和一下。
总括嚟讲， 餐厅食物质素相当高。另外，钟意饮啤酒嘅朋友 可以试下个款德国啤酒，相信更有feel。
张贴
