Poke Go (大南街)

营业中

休息中

把握午餐机会，初尝夏威夷鱼生饭Poke bowl。Poke 在夏威夷语中指「切块」的意思。个人感觉夏威夷鱼生饭比日本鱼生饭有好大分别，多咗啲酱汁。酱汁同配料选择更多，健康人士仲可以转蔬菜沙律底。Nalu以熟八爪鱼为主菜，配以寿司饭、蟹肉同不同配料。用料十足，每一口都有海鲜。八爪鱼唔韧，蟹肉有一丝丝嘅质感，唔会散。酱料用咗辛味蛋黄酱，面头加埋辣椒碎，都几辣。除咗辣味，仲有蟹肉鲜甜同粟米嘅香甜，芝麻、香葱嘅惹味，味道好丰富。朋友嘅Ohana系沙律底。男士食沙律都食得饱。Ohana嘅主菜由八爪鱼转咗吞拿鱼，粒粒都厚切。朋友大赞好清新。佢好欣赏小蕃茄一咬爆汁嘅效果。口痕叫咗火山炸鸡做小食，面头嘅辣粉系同Nalu一样，结论系好辣。好彩午餐送饮品，叫咗菠萝汁，解辣一流。