金裝燉奶佬餐廳 (嘉湖新北江) (已結業)

一直以来都好钟意系下午茶时段出去食嘢，一来近住傍晚时间食饱啲嘅话，就可以当埋食晚餐，二来下午茶价钱都比较经济。今日我就去咗炖奶佬食下午茶。我觉得炖奶佬嘅下午茶餐款式选择都几多架，除咗有一般下午茶餐必备嘅多士，鸡髀之外，佢仲有正餐嘅粉面饭，而最正嘅系只需要加＄3就可以换到一款糖水为咗可以饱肚d，阵间唔洗晚餐时间又叫肚饿，我就点左一个台式肉燥鸡扒大碗饭，再加＄3要咗个凉粉西米露。台式肉燥鸡扒大碗饭卖相实在太求其啦好似就咁将几样𩠌掉入埋个碗里面就算，一啲摆位都冇。饭嘅份量又真系都算多嘅，咁相对地肉燥就偏少，唔够捞饭 另外，伴碟嘅椰菜已经凉左，可惜; 豆腐嘅味道其实都OK，里面仍然好多汁，易入口; 而鸡扒可以话呢碗饭入面做得最好嘅，虽然就唔系话鸡皮煎黄金香脆，但鸡肉仍然好嫩滑，唔会煎到太干身。3蚊鸡糖水—凉粉西米露我对佢嘅期望唔会过高，而出奇嘅系，碗糖水份量上超出$3 嘅范围，味道上佢亦都系做到恰如其分，有凉粉，有西米，完。