十二味巴蜀江湖菜 (已結業)

难得星期五放假，辣妹决定做一日闲人，揾多个闲人陪我hea食午饭，食饭地点当然系有辣椒出没嘅地方，所以今次去十二味。十二味地方细细，有少少茶记feel, 午市人流算多，八成满。今餐叫咗夫妻肺片，水煮鱼同麻婆豆腐。夫妻肺片 $78份量比坊间凉菜大，口味唔错，食到有麻有辣又唔过咸，食材口感亦几好，算淋，只系偏冻，再常温少少冇咁重雪气会更好。水煮鱼 $298水煮鱼系用鲈鱼，份量超大，两个人冇可能食得哂一个14吋大盘。鲈鱼口感可以，部份好滑好弹牙，但有啲就少少梅。 薯粉系好阔嘅水晶粉，口感几好。整个水煮鱼冇咩咸味又冇咩香味，只算合格。经过一番努力，只系ko咗一半，突然觉得自己好败家。麻婆豆腐 $68豆腐好滑，应该系百褔豆腐，汁酱做得几好，够杰，可以包住啲豆腐，唔会水汪汪，够麻而且有牛肉碎，系整餐最满意嘅一道菜。