影片
更多
2011-09-28
48 浏览
6月5日, 117周月快乐!训到晏一晏, 午饭都冇食, 就系因为要嚟呢度high个tea! 喺中环高尚shopping mall之一嘅置地里面, 唔驶估都知道呢度嘅tea有几高水准~ 因为知道要排队等入座, 我地2点9到达, 都已经有3-4枱人排我地前面, 安排入座前侍应会预先帮人客落单, 咁样我地坐低咗一阵就有食物上枱~::: Croissant + Baguette au Bacon ::: $15 + $25叫咗个high tea set之余,当然亦要试下出名嘅牛角酥啦~放喺度已经好香牛油味, 虽然的的骰骰, 但系已充分满足味蕾! 十分香嘅牛油, 加埋松化香脆嘅外皮, 十分好味道~ 一口咬落仲唔会实的的成口面包, 好有层次感~另外仲叫咗个烟肉面包, 个卖相好似辫子咁好搞笑~ 搣开一粒粒嚟食, 质地比较实, 要用d力先可以咬开, 同喺法国食𠮶d餐前面包差唔多口感. 里面嘅烟肉味道好浓, 所以整个包面系咸咸地. 都系牛角包好食d~::: High Tea Set for 2 ::: $315食完餐前面包, 就上我地叫咗嘅tea set~ 先介绍一下, 呢个set系分2 part上嘅,
训到晏一晏, 午饭都冇食, 就系因为要嚟呢度high个tea! 喺中环高尚shopping mall之一嘅置地里面, 唔驶估都知道呢度嘅tea有几高水准~ 因为知道要排队等入座, 我地2点9到达, 都已经有3-4枱人排我地前面, 安排入座前侍应会预先帮人客落单, 咁样我地坐低咗一阵就有食物上枱~
::: Croissant + Baguette au Bacon ::: $15 + $25
叫咗个high tea set之余,当然亦要试下出名嘅牛角酥啦~放喺度已经好香牛油味, 虽然的的骰骰, 但系已充分满足味蕾! 十分香嘅牛油, 加埋松化香脆嘅外皮, 十分好味道~ 一口咬落仲唔会实的的成口面包, 好有层次感~
另外仲叫咗个烟肉面包, 个卖相好似辫子咁好搞笑~ 搣开一粒粒嚟食, 质地比较实, 要用d力先可以咬开, 同喺法国食𠮶d餐前面包差唔多口感. 里面嘅烟肉味道好浓, 所以整个包面系咸咸地. 都系牛角包好食d~
::: High Tea Set for 2 ::: $315
食完餐前面包, 就上我地叫咗嘅tea set~ 先介绍一下, 呢个set系分2 part上嘅, 先上个咸点, 有4款三文治加2款松饼.
4款三文治各有特色, 亦有唔同味道, 建议由淡到浓味每款逐一品尝~ 吞拿鱼蛋就比较淡味, 面包松软同吞拿鱼呀蛋呢d好配合, 但吞拿鱼味比较食唔出~ 三文鱼味道比吞拿鱼浓少少, 都食到少少烟薰过嘅味, 三文治中间有鱼子酱, 更加添鲜味~ 火腿三文治都几咸, 亦都比较厚, 加埋芥辣就更浓味, 咁就食唔出三文治嘅质感同味道, 咬开火腿仲有少少筋… 而我地最欣赏嘅, 就系呢个龙虾三文治, 龙虾肉好鲜亦都好弹牙, 正!
2款松饼分别有柠檬同提子味, 附上忌廉同士多啤梨酱! 呢度d松饼就普通d喇, 因为个质地比较实, 唔似我地平时食开嘅松软… 牛油味都好似唔系好够, 唯有靠柠檬同提子味吊起番. 不过2只酱就比较出色, 忌廉好够杰, 士多啤利酱味道清甜有玫瑰花香仲有粒粒果肉, 自家制唔会好化学又唔会好酸~ 呢2只酱帮个松饼挽回唔少分数~
侍应见我地差唔多食完咸点, 就会上个甜点~ 有6款唔同嘅蛋糕, 卖相都好精致, size就比较的骰~ 真系实有一款啱你口味! 但其实嚟到都唔知边个打边个… 每款味道都唔错, 个人钟意红莓custard饼, 酸酸甜甜够清新~ 同埋chocolate with pistachio mousse cake, creamy得嚟有浓浓朱古力味! mango cheese cake都唔错~ cheesecake质地又轻又软, 芝味清淡得宜唔会太腻~ 另外个custard cream puff味道都好, 但因为太细件食唔到个puff应有嘅松化感. 至于个 macaroon ganache就真系好靓, 不过呀菲麻麻地macaroon… petit fours就真系全部都偏甜, 甜到有d腻… 所以食完晒cake再饮杯咖啡就perfect!
我要咗杯cappuccino, 呀菲就要latte, 上枱已经好香浓, 仲有已经散散地嘅latte art添~ cappuccino啡味浓d, 唔太识品尝咖啡但系啱我口味就得啦~ 呀菲杯latte就够晒creamy, 质地好thick~ 慢慢叹一流!
哗真系够晒hea~ 慢慢食慢慢饮倾下计, 成个tea食完已经5点几, 咁我地系食得比较慢嘅, 又要影下相咁~ 不过呢度d人都好好咁, 唔会赶我地走, 只系觉得有时手脚太快啫… 咁爽嘅下午茶, 成日食就唔好喇, 忙里偷闲又何尝唔系一件好事呢?
张贴
