THE COFFEE ACADEMÏCS (莊士敦道)

营业中

休息中

好热呀0个日，谂住求其揾间CAFE或者BAR坐下。但真系求其唔到，因湾仔系就系有好多呢类餐厅，但好多入面都好黑，佢地下午唔系好开灯，但又唔系话多窗口位㖞。唯有行远0的比我揾到呢间。我原本好开心打算食个TEA，点知原来三点至开始。当时系两点半到啦大概，所以我唯有叫件CAKE食住先。呢期好想食绿茶0既甜品，咁啱佢又有个几靓0既绿茶朱古力蛋糕，我就谂住试下。卖相唔错，可惜绿茶味唔够浓，反而朱古力味重0的。虽然同我预期有0的出入，但好在佢个质地够实，0的CREAM都几滑，但我本人就钟意少甜多0的。我都问佢揾左两柸水，0的水有0的青柠味，几FRESH。食完都未够3点，咁我唯有望下景，我一向都钟意湾仔，0的建筑物有新有旧，人来人往但又唔太迫人。同埋欣赏下佢地0的吊灯，几靓呀！灯光好重要，呢只色调柔和最啱我。终于可以叫个TEA SET啦，几好食㖞！可能食得太多星X克惯左佢地0的味。而呢到就唔同味，我觉得个波菜批入面0的菇菇好加分，够香又有咬口。旁边个沙律都唔错，0的蔬菜好湿润，唔似雪左好耐咁。个SET包个DRINK，我叫左个热茶系LEMONGRASS＋HONEY，饮落几舒服，唔太浓但好够热。