Heart Coffee (已結業)

本人一向都系行生酮饮食，见完客谂住揾间coffee shop唞下气，见到呢间都几多好评又生酮友好，二话不说就拣佢啦！点知一入到去坐低，唔知以为自己去咗林峰演唱会，疯狂播林峰，唔播林峰就播啲一听就知有啲年代感既歌，哗！真系乜mood都无晒。算，渣渣临食住野走，我就叫咗个草饲牛扒（3成熟），谂住嗌生酮鲜忌廉咖啡，点知店员话无忌廉，话得杏仁奶加$5，心谂好啦，唔好成日黑咖啡咁斋啦，点知一上野饮，真系一啲heart都无，成杯野都系杏仁奶沉淀物，大佬啊，话晒都系间餐厅啊，真系衰过我自己冲，又稀又无咖啡味，失望！唯有寄情食物啦。草饲牛扒3成熟，我觉得系overcook既，食落好鞋，无牛味，反而个沙律菜仲好食过主菜。我同事呢就嗌咗个蟹肉酸种面包，睇相都见到一啲都唔juicy唔滑。再黎一杯柚子橙咖啡，睇人啲相层次分明架㖞，点知一上，张相系无搅拌过既，净系饮咗啖，同事谂住反映下，唉，算啦，快快手食过走好过啦，唔好晒时间，呢间野真系食完心都碎埋，无下次！