影片
更多
2010-04-17
25 浏览
晚上九点半, 平日, 断估冇人等, 点知错哂~ 哈~ 和民果然好受欢迎. 好在等左15分钟就已经可以坐, very good. 服务依旧好, 灯光仍旧昏暗, 非常有情调, 可惜非常嘈杂... 哈~ 已经系3月, 但佢仲系用紧冬季既menu, 莫非今年冬天仲有排都唔会走? 和民沙律全份上先开心, 水准保持得唔错. 菜甜又新鲜, 脆又香, 非常good. 粟米我最钟意, 因为好爽又好咬, 可惜唔多丫~ 多d粟米其实会靓d~ 鸡肉我成日都嫌多, 今次都唔例外. 沙律酱同酱油夹得好, 但总觉得酱油有d咸, 下次都系少落为妙~星鳗鱼天妇罗卷之前曾系另一间和民试过, 但觉得与今日所食既非常唔同, 定系我记错?首先, 天妇罗系冻 (系冻既咩? 唔系热serve架咩?), 所以此炸物一上台就认定佢非常油腻 (金光闪闪), 一入口食过亦知道, 油成咁, 点食? 你知道, 如果炸物热食, 其实唔会觉, 但一冻就... anyways, 但米饭包得好实唔会一咬就散, 此为其中可以安慰既地方. 另外外型唔错, 放得好靓, 而且所淋之豉油份量都适中. 可惜油得济, what a waste.炸蚝不嬲都唔食,
和民沙律
全份上先开心, 水准保持得唔错. 菜甜又新鲜, 脆又香, 非常good. 粟米我最钟意, 因为好爽又好咬, 可惜唔多丫~ 多d粟米其实会靓d~ 鸡肉我成日都嫌多, 今次都唔例外. 沙律酱同酱油夹得好, 但总觉得酱油有d咸, 下次都系少落为妙~
星鳗鱼天妇罗卷
之前曾系另一间和民试过, 但觉得与今日所食既非常唔同, 定系我记错?
首先, 天妇罗系冻 (系冻既咩? 唔系热serve架咩?), 所以此炸物一上台就认定佢非常油腻 (金光闪闪), 一入口食过亦知道, 油成咁, 点食? 你知道, 如果炸物热食, 其实唔会觉, 但一冻就... anyways, 但米饭包得好实唔会一咬就散, 此为其中可以安慰既地方. 另外外型唔错, 放得好靓, 而且所淋之豉油份量都适中. 可惜油得济, what a waste.
炸蚝
不嬲都唔食, 唔知味道如何, 但好在呢个炸物系新鲜热辣上台 (仲有烟), 所以热食味道应该不差~ 加上外型都炸得几靓, 又够大只 (入面都几肥美), 所以都叫得过~
明太子香薯pizza
呢个应该系我食和民咁耐以黎食过最难食既pizza. 其实唔关师傅事, 唔系唔熟又或者其他问题, 而系成个组合既问题. 呢个pizza所有ingredients分开食其实就系无乜问题既, 但一夹埋就错哂~
首先薯仔太厚太大块, 而且焗得麻麻, 只系熟, 唔脆, 加上其实佢本身就冇味, 又唔会痴住个pizza, 可以自己夹起黎食. 仲有, 又系油到喊, 发哂光. 咁你话喇, 咁既薯仔有乜好食?
火腿与粟米味道冇问题, 但有问题既系佢地既位置. 请问点解佢地只集中系成个pizza既正中间呢 (可以睇下个图), 咁其他位置我净系食个包+薯仔? 一个只有包+薯仔既pizza唔会好味!
明太子系咁多个入面最冇问题个样. 好咬, 又够多, 而且平均分布系成个pizza到.
沙律酱又系一个唔系几好既野~ 首先佢好少, 其实似系为左decoration purpose, 而且只有一个咸字, 并无酸或甜, 所以唔会有令人开胃之感, 相反, 令人有点 "漏".
成个pizza冇蕃茄酱 (而蕃茄酱其实好重要, 因为佢既提供颜色, 又会有酸甜味使人开胃.) or 其他既sauce, d薯仔又唔痴饼, 但个咸字. 试问一个 (非常油既) 咸薯仔饼好味在哪? 唉...
石头泡菜饭
依旧的的式式, 细细碗, 好在内有配菜够多, 又可以自己捞 (有点似煮饭仔之感), 都玩得非常开心, 但可惜个石头唔系特别热, 唔能够做到饭焦, 否则应当更美味~ 但讲返, 做乜今日连呢个饭都油成咁? 发生左乜野事?
今日呢间和民唔知做乜咁油, 所有野都发哂光... 想点? 有点失望, 下次都系唔好试新野, 都系stick with my fav就算...
张贴
